د مولانا جلالالدین محمد بلخي نړیوال هوايي ډګر څخه د روان کال د حج د سفرونو لړۍ په رسمي ډول پیل شوه.
د ارشاد، حج او اوقاف ریاست مسوولان وايي چې د شمال او شمالختیځ زونونو په لومړي پرواز کې ۳۴۶ حاجیان د سعودي عربستان پر لور روان شوي دي.
د دې ادارې رییس نوراغا ویلي چې دا لومړي الوتنه پرون شنبه، ناوخته له مزارشریف هوايي ډګر څخه شوې ده. د هغه په وینا، سږکال شاوخوا ۷زره کسان له یادو زونونو څخه د حج د فریضې ادا کولو لپاره سعودي عربستان ته لېږدول کېږي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د معلوماتو له مخې، دغه حاجیان به په ټولیز ډول په ۱۸ پروازونو کې د کامایر او اریانا هوايي شرکتونو له لارې سعودي عربستان ته انتقال شي.
په همدې حال کې، د کامایر مسوولان ډاډ ورکوي چې د حاجیانو د سفر لپاره به مناسب اسانتیاوې برابرې شي، څو د هغوی د تګ پروسه په ارامه او منظم ډول مخته لاړه شي.