د ایران قضايي چارواکو اعلان کړی چې دوه کسان یې، د اسراییلو د استخباراتي ادارې «موساد» سره د همکارۍ او د هېواد دننه د بریدونو د پلانولو په تور، اعدام کړي دي.
د قضايي قوې اړوند خبري اژانس میزان راپور ورکړی، دغه کسان چې محمدمعصوم شاهي او حامدولیدي نومېدل، د یوه جاسوسي شبکې غړي ګڼل کېدل چې له موساد سره یې اړیکې لرلې.
راپور زیاتوي چې دوی بهر کې روزنه هم ترلاسه کړې وه.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د چارواکو په وینا، پر دغو کسانو «د خدای پر وړاندې دښمني» او له دښمنو ډلو سره د همکارۍ تورونه لګېدلي وو. د دوی د اعدام حکم د سترې محکمې لهخوا هم تایید شوی و او وروسته عملي شو.
ایراني چارواکي ټینګار کوي چې د هېواد د امنیت پر وړاندې هر ډول ګواښ به په جدي توګه وڅېړل شي او عاملان به یې د قانون له مخې سخته سزا وویني.