د افغانستان په چاروکي د پاکستان ځانګړي استازي محمدصادق نن یکشنبه د تلې ۱۷مه پر خپله ټوېټرپاڼه لیکلي چې پاکستان هره ورځ له افغانستان څخه دغه هېواد ته له درې تر ۴۰۰ لارۍ تازه رومیان او پیاز واردوي.
محمدصادق لیکلي چې له دې لارې افغان بزګران ښه ګټه ترلاسه کوي، ځکه د نوموړي په وینا، سږکال یې ښه حاصلات درلودل.
هغه زیاته کړې چې پاکستان کې وروستیو سېلابونو د دغه هېواد کرنیز محصولات لهمنځه وړي او اړ دی چې خپل د اړتیا وړ محصولات له بهرنیو هېوادونو وارد کړي.
Pakistan is importing 300 to 400 truckloads of fresh tomatoes and onions from Afghanistan everyday. The Afghan farmers are benefitting from this trade significantly as they had surplus production this year. Pakistan's crops were destroyed by floods.
— Mohammad Sadiq (@AmbassadorSadiq) October 9, 2022
د افغانستان په چاروکي د پاکستان ځانګړي استازي همداراز پر خپله ټوېټرپاڼه دغه دوه اړخیزه سوداګري د دواړو هېوادونو په ګټه بللې او د دوام غوښتنه یې کړې ده.
بلخوا له افغانستان څخه پاکستان ته د تازه رومیانو او پیازو لېږد په کور دننه د پیازو او رومیانو بیې لوړې کړې چې ورسره د خلکو اندېښنې هم زیاتې شوې دي.
