که څه هم د روغتیایي خدمتونو په برخه کې له پخوا راهیسې ستونزې شته، خو تازه د ننګرهار د یو‌شمېر ولسوالیو اوسېدونکي شکایت کوي، هغه کلینیکونه چې د دوی په سیمو کې فعال دي، اوس په کافي اندازه درمل او نورو طبي امکانات نه لري.

دوی وایي، مجبورېږي چې نورو سیمو او یا هم د مرکز جلال‌اباد حوزوي روغتون ته خپل ناروغان بوځي، خو د شته اقتصادي ستونزو له امله دا هم د ډېرو له توان پورته ده.

د سلام‌وطندار پښتو فېسبوک‌باڼه وڅارئ

مسعود چې له دوربابا ولسوالي يې خپل ناروغ د شینوارو غني‌خېلو روغتون ته بېولی وایي، هلته هېڅ امکانات نه وو او دلته هم اړ دی چې درمل له بهر وپېري. هغه وویل، د روغتیا برخې ملاتړي بنسټونه دې خپلې همکارۍ زیاتې کړي.

د درملو او نورو طبي امکاناتو سربېره د لوژیستکي موادو کمښت او نشتوالی هم هغه څه دي چې د روغتونونو د فعالیت پر وړاندې يې خنډ جوړ کړی.

د کامې ولسوالي اوسېدونکی عبدالله وایي، هغه څه چې خلک ورته اړتیا لري، روغتون کې نشته او له همدې امله ډاکټران هم نه‌بریالي کېږي چې په سمه توګه درملنه وکړي.



د ننګرهار د عامې روغتیا ریاست مني چې یو‌شمېر روغتیايي کلینیکونو کې د درملو او نورو اړینو توکو ستونزې شته، خو زیاتوي چې په حکومتي کچه د حل سربېره له مرسته کوونکو ادارو سره هم په اړیکه کې دي او ډاډ یې تر لاسه کړی چې همکاري به کوي.

د ننګرهار د عامې روغتیا رئیس عطاء الرحمن فاتح په دې اړه سلام‌وطندار ته وویل: «د نوي بدلون په راتګ سره ځينې منفي تاثیرات زموږ د روغتیا په برخه پریوتي چې له دې امله یو‌شمېر کارکوونکي د معاشتو له کمښت سره مخ  شوي. د درملو او غذايي موادو کمښت هم شته، خو په دې رابطه موږ ټوله هڅه کړې، د نړیوالو سازمانونو سره مو ناستې کړي، ډبلیو، ایچ او، اې سي ار سي او نورو ادارو د ستونزو د حل ډاډ راکړی دی.»

سلام‌وطندار پر ټویټر هم وڅارئ

د هېواد په نورو سیمو کې هم د روغتیا په برخه کې د امکاناتو نشتوالی، خلکو ته لوی سرخوږی دی، خو د ملګرو ملتونو د بشري مرستو د همغږۍ مرکز (وچا) تېره اوونۍ ویليٍ، د افغانستان روغتیایي سکټور سره به ۴۵ میلیونه ډالر مرسته کوي چې د بېړنو مرستو د صندوق له لارې ورکول کېږي.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام