د خوړو او درملو اداره خلکو ته: ناسالم خواړه مه خورئ، پر ناروغیو اخته کېږئ

د خوړو او درملو ادارې مسوولانو نن چهارشنبه په کابل کې یوې غونډې ته وویل چې د خوړو د خوندیتوب نه موجودیت لا هم په افغانستان کې یوه جدي ننګونه ده.
د خوړو او درملو ادارې سرپرست عبدالباري عمر وايي، اوس په افغانستان کې درې میلیون ماشومان او نږدې یو میلیون ښځې پر خوارځواکۍ اخته دي چې تر ټولو مهم لامل یې په هېواد کې د خوړو نه خوندیتوب دی.

د تخار اوسېدونکي: په ولایتي روغتون کې درمل کم او ډاکټران پاملرنه نه کوي

د تخار په ولایتي روغتون کې د درملو نشتوالي ناروغان او د هغوی پایوازان له ګڼو ستونزو سره مخامخ کړي دي. د تخار په ولایتي روغتون کې یوشمېر ناروغ‌لرونکي د درملو د کمښت او د ډاکټرانو د نه پاملرنې په اړه شکایت کوي او وايي، سره له دې چې له ګڼو اقتصادي ستونزو سره مخامخ دي، خو بیا هم اړ دي چې د ناروغانو لپاره په بهر کې درمل واخلي.

د لوګر اوسېدونکي: شخصي درملتونونه په لوړه بیه، خو بې‌کیفیته درمل پلوري

د لوګر د مرکز پل‌علم او ځینو لرو پرتو ولسوالیو ناروغان او ناروغ‌لرونکي شکایت کوي چې شخصي درملتونونه پرې بې‌کیفیته درمل په لوړه بیه پلوري.
دوی سلام‌وطندار ته ویلي چې پل‌علم ښار او د ولسوالیو شخصي درملتونونو کې درملو ته په خپل سر نرخونه ټاکل کېږي او د لوګر د عامې روغتیا ریاست ته په‌‌کار ده چې په بازارونو کې د درملو کیفیت او نرخونه په بشپړ ډول کنټرول کړي

کابل کې د ناروغانو پایوازان په درملتونونو کې د یوشان درملو د بیو له نابرابرۍ سر ټکوي

کابل ښار کې د ناروغانو یوشمېر پایوازان شکایت کوي چې یو ډول درمل په بېلابېلو درملتونونو کې بېلابېلې بیې لري او په وینا یې، درمل پلورونکي د هر ډول درملو لپاره په خپل سر بیې ټاکي. دوی له سرپرست حکومت، په تېره د خوړو او درملو ادارې څخه غواړي چې بازار کې د درملو بیې کنټرول کړي.

د لوګر په دولتي روغتونونو کې د درملو کمښت په اړه د خلکو شکایت

قدرت‌الله چې د لوګر ولایت مرکزي روغتون ته یې ناروغ ور وړی، سلام‌وطندار ته ویلي چې له تېرو درېوو ورځو راهیسې یې خپل ناروغ په «نايب امین‌الله خان لوګري» روغتون کې بستر کړی، خو د درملنې لپاره یې ټول درمل له بازار څخه پېري.

د خوړو او درملو ملي اداره: هر کال افغانان د درملو پېر لپاره یو میلیارډ ډالر مصرفوي

د خوړو او درملو ملي ادارې مسوولان وايي چې افغانان د خپلو ناروغیو د درملنې او درملو پېر لپاره هر کال یو میلیارډ ډالر مصرفوي.

د خوړو او درملو ملي ادارې مسوولانو دغه څرګندونې نن سه‌شنبه د غبرګولي ۲۳مه کابل کې د کورنیو درملو د تولیداتو نندارتون د پرانېستلو پر مهال کړي دي.

د خوړو او درملو ملي اداره: د خوړو او درملو د قاچاق ۷۰ سلنه مخه مو نیولې

د خوړو او درملو ملي ادارې مسوولان وايي چې په ۱۴۰۱ کال کې یې د ګمرکونو په بشپړ کنټرول سره د خوړو او درملو د قاچاق ۷۰ سلنه مخه نیولی شي او د پاتې ۳۰ سلنه فساد سره د مبارزې لپاره د لوړپوړو چارواکو د مرستې غوښتنه کوي.

کندهار کې د هېواد په کچه د درملو تر ټولو لویه کارخونه پرانېستل شوه

کندهار کې د هېواد په کچه د درملو جوړولو تر ټولو لویه کارخونه چې د ۷۱ سوداګرو له لوري په ګډه د ۵۰ میلیونه ډالرو په پانګونه جوړه شوې او ۶۰۰ کسان به په‌کې کار کوي. مسوولان وايي چې اوس د دې کارخونې یو فاز فعال شوی او پاتې دوه نور به یې هم فعال کړي.

د غور ځینو ولسوالیو کې د ښځینه ډاکټرانو له کمښت د خلکو او مسوولانو شکایت

د غور د ځینو ولسوالیو او د لرې پرتو سیمو اوسېدونکي او مسوولان دغه ولایت کې د جراحۍ او ښځینه ډاکټرانو نه‌شتون څخه شکایت کوي.

دوی سلام‌وطندار ته وايي چې ډېری وخت خپل ناروغان د درملنې لپاره فیروزکوه ښار او یا نورو ولایتونو ته د درملنې لپاره لېږدوي.

کندوز کې د بې‌کیفیته درملو او نامسلکي درمل‌پلورونکو په اړه شکایت؛ «څارنه او پوښتنه نشته»

د کندوز د خان‌اباد ولسوالي یوشمېر اوسېدونکي د دې ولسوالي په درملتونونو کې د بې‌کیفیته درملو او نامسلکي درمل‌پلورونکو د زیاتوالي په اړه ګیلې لري. د خان‌اباد ولسوالي اوسېدونکی نجیب‌الله وايي، د روغتیايي مسوولانو نه څارنه لامل شوې چې نامسلکي کسان په خپل سر دې ولسوالي کې درملتونونه جوړ کړي.

د میدان‌وردګ «مرکزي بهسودو» ولسوالي کې د ښځینه ډاکټرانو له کمښت د خلکو شکایت

د میدان‌وردګ د مرکزي بهسودو ولسوالي اوسېدونکي یاده ولسوالي کې د ښځینه متخصصو ډاکټرانو او درملو کمښت څخه د اندېښنې په څرګندونو سره وايي چې دې چارې خلک له ګڼو ستونزو سره مخ کړي دي. دوی زیاتوي چې لرو پرتو ولسوالیو کې د پخوا په پرتله د ښځینه ډاکترانو او درملو کمښت ستونزه دوه برابره شوې

روغتیا وزارت: ناروغان باید له دې وروسته په دولتي روغتونونو کې هم فیس ورکړي

د عامې روغتیا وزارت مسوولان وايي، ټاکل شوې له دې وروسته د روغتیایي سکټور د پیاوړتیا، پر ځان‌ بسیاینې او معیاري کېدو په موخه دولتي روغتونونو کې هم له ناروغانو څخه څه‌ناڅه پیسې واخیستل شي. خو یوشمېر هېوادوال چې د ناروغۍ د درملنې پر مهال یې ټوله تکیه پر دولتي روغتونونو ده او د فیس ورکولو وسه نه لري، شکایت کوي چې که عامې روغتیا وزارت خپلې تازه پرېکړې عملي کړې، د دوی اقتصادي ستونزې به لا زیاتې کړي.