د ایران د بهرنیو چارو وزارت ویلي چې د دغه وزارت وزیر امیر عبدالللهیان له خپل هندي سیال سوبر امانیام جې‌شنکر سره په یوې ټيلیفوني اړیکه کې په افغانستان کې د یوه ټول‌ګدونه حکومت پر جوړېدو ټينګار کړی دی.

حسین عبداللهیان په دغې ټيلیفوني خبرو کې ویلي، ایران چمتو دی، څو له هند څخه افغانستان ته د مرستو له هغې ډلې د غنمو او روغتیايي توکو د لېږد په برخه کې له نوي ډيلي سره همکاري وکړي.

د سلام‌وطندار پښتو فېسبوک‌پاڼه وڅارئ

دا په داسې حال کې ده چې هندي چارواکي له پاکستان سره افغانستان ته د هند له لوري د ۵۰زره ټنه غنمو د لېږد په برخه کې د خبرو له دوام څخه خبر ورکوي.

پاکستان له دې وړاندې له خپلې خاورې د هند له لوري د مرستو شویو توکو د لېږد په اړه خپله هوکړه په مشروط ډول اعلان کړې وه. پاکستان شرط وړاندې کړی و چې دغه مرستې به د افغانستان په بار وړنکو یا لاریو موټرو کې لېږدول کېږي. دغه هېواد ویلي و چې هندي لاریو ته د لېږد اجازه نه ورکوي.

اسلامي امارت هم له پاکستان څخه غوښتنه کړې وه چې د دغه هېواد له لارې د هند له لوري مرسته شویو غنمو ته د لېږد اجازه ورکړي، خو داسې برېښي چې د هند او پاکستان ترمنځ خبرې بې پایلې وې.

سلام‌وطندار پر ټویټر هم وڅارئ

د دې شونتیا ډېره ده چې د هند مرسته شوي ۵۰زره ټنه غنم د چابهار بندر له لارې افغانستان ته ولېږدول شي. د اسلامي امارت په راتلو سره افغانستان له یوه انساني ناورین سره مخ دی او ورځ تر بلې دغه ناورین پسې غځېږي.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام