د روسیې تاس خبري اژانس د یاد هېواد د بهرنیو چارو وزیر د مرستیال سرګي ورشینین له قوله راپور ورکړی چې تمه ده تر راتلونکو دوو ورځو پورې د «جي۲۰» هېوادونه د افغانستان په اړه غونډه وکړي.
د یاد راپور له مخې، د روسیې د بهرنیو چارو وزیر مرستیال د «جي۲۰» هېوادونو په ناسته کې د روسیې د استازي د ګډون په اړه ویلي: «هغوی باید بلنلیک راواستوي.»
د سلاموطندار پښتو فېسبوکپاڼه وڅارئ
ویل کېږي چې د دغه ناستې مشري به د اېټالیې لومړی وزیر ماریو ډراګي پر غاړه ولري. له دې وړاندې داسې راپورونه خپاره شوي وو چې د افغانستان په تړاو د «جي ۲۰» هېوادونو د مشرانو ناسته دې د ملګرو ملتونو له عمومي غونډې وروسته، جوړه شي.
د ملګرو ملتونو روانه کلنۍ عمومي غونډه سبا ته پای ته رسېږي او د مخکیني حکومت استازی غلاممحمد اسحاقزی به پکې د افغانستان په استازیتوب وینا وکړي.