د افغانستان لپاره د اروپايي ټولنې ځانګړي استازي ټوماس نېکلاسون د ریاستالوزرا له سیاسي مرستیال مولوي عبدالکبیر سره په لیدنه کې ویلي چې د اسلامي امارت دې له حکومت نه دباندې پر کارپوه او تکړه افغانانو مشورې واورې؛ ځکه په خبره یې، مخکینی حکومت همدغه انحصار له منځه یووړ. عبدالکبیر په دې لیدنه کې د ټولشموله حکومت پر جوړېدو او حکومت کې د مسلکي کسانو پر نیولو ټینګار کړی دی.
سږ کال د اکو سازمان د بهرنیو چارو وزیرانو ۲۶مه غونډه پرون د افغانستان له استازي پرته د ازبکستان په پلازمېنې تاشکند کې پیل شوه او نن یې دویمه ورځ وه.
د اکو سازمان د بهرنیو چارو وزیرانو د سږنۍ غونډې پر مهال په افغانستان کې د ټولشموله حکومت پر جوړولو او د افغانستان له لارې د ازبکستانـپېښور ترمنځ د اورګاډي پټلۍ پروژې په اړه بحث شوی دی.
د ماشومانو لپاره د ملګرو ملتونو ملاتړې ادارې یا یونیسف ویلي چې محمد اګ ایویا یې په افغانستان کې د یاد بنسټ د نوي استازي په توګه ټاکلی دی.
په ملګرو ملتونو کې د افغانستان دایمي استازولۍ د یوې خبرپاڼې په خپرولو سره ویلي چې نصیراحمد فایق په دغه سازمان کې د افغانستان د نوي چارسمبالي استازي په توګه ټاکل شوی دی. دغه خبر وروسته له هغه خپور شو چې په ملګرو ملتونو کې د افغانستان د مخکیني دایمي استازي غلاممحمد اسحاقزي د استعفا په اړه راپورونه خپاره شول.
د ملګرو ملتونو عموم غونډې یو پرېکړه لیک تصویب کړ چې له مخې یې د افغانستان د اسلامي امارت هغه غوښتنه شاته غورځوي چې ملګرو ملتونو ته یې خپل نوی استازی ورپېژندلی و.
د ایران په پلازمینې تهران کې د افغانستان د ګاوڼدیو هېوادونو د بهرنیو چارو وزیرانو غوڼده چې په حضوري او انلاین بڼې جوړه شوې وه، پکې ګډون کوونکو هېوادونو د اسلامي امارت د استازي په نهشتون کې پرېکړه کړې چې په افغانستان کې دې ټولګډونه حکومت جوړ شي. خو یوشمېر شنونکي بیا دغه ناسته د ګډونکوونکو هېوادونه په ګټه بولي.
د روسیې تاس خبري اژانس د یاد هېواد د بهرنیو چارو د وزیر د مرستیال سرګي ورشینین له قوله راپور ورکړی چې تمه ده تر راتلونکو دوو ورځو پورې «جي ۲۰» هېوادونه د افغانستان په اړه غونډه وکړي. د روسیې د بهرنیو چارو د وزیر مرستیال ویلي چې په دغه ناسته کې د ګډون لپاره باید دوی ته بلنلیک راواستول شي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
