د افغان سولې لپاره د امریکا د بهرنیو چارو وزارت ځانګړی استازی زلمی خلیل‌زاد وايي چې د پرځول شوي ولسمشر محمداشرف غني پر واک د پاتې‌کېدو لپاره بې‌ځایه ټينګار د دې لامل شو چې طالبان پر افغانستان واکمن شي.

خلیل‌زاد دغه څرګندونې پرون د «نړیوالې سولې لپاره د کارنګي بنسټ» په څېړنیز مرکز کې د یوې انلاین غونډه پر مهال وکړې او وویل چې د افغانستان د مشرانو پر ځان باور او خودخواهي هم د دغه هېواد د حکومت په پرځولو کې اغېزمن وو.

د سلام‌وطندار پښتو فېسبوک‌پاڼه وڅارئ

 هغه زیاته کړې چې له طالبانو سره د افغان امنیتي ځواکونو د جګړې نه کولو انګېزه هم د دې لامل شوه چې د طالبانو له لوري د واک نیولو بهیر ګړندی کړي.

خلیل‌زاد همداراز ټينګار کړی چې امریکا په دې هڅه کې وه، څو په افغانستان کې لنډمهالی حکومت رامنځ ته کړي. د هغه په خبره، امریکا غوښتل افغان لوري د خبرو له لارې د دغه حکومت پر جوړولو هوکړې ته ورسوي.

په ورته مهال خلیل‌زاد د خپلو خبرو په یوې برخه کې ټينګار کړی چې اوس مهال امریکا له طالبانو سره پیاوړې ډيپلوماتیکې اړیکې لري. هغه د دغو اړیکو څخه په ملاتړ سره ویلي چې د افغانستان په اړه د امریکا تګ‌لاره له یوه ناڅرګند برخلیک سره مخ ده چې کولای شي، د امریکا ګټو ته زیان ورسوي.

دا په داسې حال کې ده چې اسلامي امارت د روان کال د وږي میاشتې په ۲۴مه کابل ونیوو چې له هغه وخت راهیسې نړیوالو د اسلامي امارت حکومت په رسمیت نه دی پېژندلی او امریکا هم د افغانستان بانک شتمنۍ کنګل کړي دي. دغې چارې اسلامي امارت تر یوې کچې اندېښمن کړی او طالب چارواکو په وار وار له نړیوالو د تعامل غوښتنه کړې.

سلام‌وطندار پر ټویټر هم وڅارئ

نړیوالې ټولنې تراوسه د طالبانو دغو غوښتنو ته ښه راغلاست نه دی ویلی او له اسلامي امارت سره په خپل چلن کې له احتیاطه کار اخلي. نړیوالې ټولنې ویلي، د طالبانو کړنې څاري او که چېرته یو پراخ‌بنسټه حکومت جوړ نه کړي او د لږکیو او ښځو حقونو ته درناوی ونه لري، حکومت به یې په رسمیت ونه پېژني.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام