اسلام‌اباد کې د خلیل‌زاد او باجوه لیدنه؛ د افغانستان پر مسایلو غږېدلي

د امریکا او پاکستان ترمنځ د نویو راټوکېدلو ناندریو په درشل کې د افغانستان لپاره د امریکا مخکیني ځانګړي استازي زلمي خلیل‌زاد په اسلام‌اباد کې د پاکستان د پوځ له مشر جنرال قمر باجوه سره لیدلي دي. دواړو لوریو د دواړو هېوادونو پر اړیکو او د افغانستان پر وروستیو حالاتو خبرې کړې دي.

«پر واک د پاتې‌کېدو لپاره د غني بې‌ځایه ټينګار لامل شو طالبان واک ته ورسېږي»

د افغان سولې لپاره د امریکا د بهرنیو چارو وزرت ځانګړی استازی زلمی خلیل‌زاد وايي چې د پرځول شوي ولسمشر محمداشرف غني پر واک د پاتې کېدو بې‌ځایه ټينګار د دې لامل شو چې طالبان پر افغانستان واکمن شي. خلیل‌زاد دغه .څرګندونې پرون د «نړیوالې سولې لپاره د کارنګي بنسټ» په څېړنیز مرکز کې د یوې انلاین غونډه پر مهال وکړې

د امریکا له رسوايي دوه میاشتې وروسته؛ زلمي خلیلزاد استعفا وکړه

د افغان سولې لپاره د امریکا د بهرنیو چارو وزارت پخواني ځانګړي استازي له خپلې دندې استعفا کړې ده.
د امریکا د بهرنیو چارو وزیر انټوني بلېنکن هم تایید کړې چې د زلمي خلیلزاد استعفا منل شوې او پر ځای یې د هغه مرستیال ټوماس وېسټ ټاکل شوی دی. خلیلزاد له طالبانو سره په میاشتو-‌میاشتو خبرواترو سره ونه توانېد چې د افغانستان قضیې ته سوله‌ييزه حل‌لاره ومومي او طالبانو بالاخره په زوره د واک چارې په لاس کې واخیستې.

خلیل‌زاد: افغانانو دا فرصت ترلاسه کړی چې د هېواد راتلونکی په خپلو لاسونو جوړ کړي

د افغان سولې لپاره د امریکا ځانګړي استازي زلمي خلیل‌زاد په خپل ټویټر‌پاڼه کې لیکلي چې افغانستان کې د امریکا جګړه پای ته رسېدلې او افغانانو ته دا فرصت په لاس ورغلی چې د هېواد راتلونکې په خپلو لاسونو جوړه کړي. خلیل‌زاد زیاته کړې چې افغانان به اوس د خپلې بشپړې خپلواکۍ ته د رسېدو لپاره لار وټاکي او کولای شي، جګړې ته د پای ټکی کېږدي.

زلمی خلیلزاد: هغه اوازې ناسمې دي چې طالبان به کابل ونیسي

د افغان سولې لپاره د امریکا د بهرنیو چارو وزارت ځانګړی استازی زلمی خلیلزاد وایي، هغه ګونګوسې ناسمې دي چې ګواکې له افغانستان څخه د بهرنیو ځواکونو له وتلو وروسته به وسله‌وال طالبان په چټګې سره پرمختګ وکړي او کابل به تر خپلې ولکې لاندې راولي.
زلمي خلیلزاد چې د امریکا د کانګرس د بهرنیوچارو کمېتې ته خبرې کولې وویل، دا تېروتنه ده چې افغان ځواکونه تیت او پرک کېږي او لنډ وخت کې به واک طالبان ته ورسېږي.

«د خلیلزاد وروستۍ څرګندونې طالبانو ته د امریکا جدي خبرداری دی»

د افغان سولې لپاره د امریکا د بهرنیو چارو وزارت ځانګړي استازي زلمي خلیلزاد تازه پر خپل ټویټر لیکلي، که طالبان د اجماع او روغې له لارې راتلونکې غوره نه کړي او سوله ونه کړي، امریکا به د هغه چا تر څنګ ودرېږي چې د جمهوریت ساتنې لپاره هڅه کوي.
د نړیوالو چارو شنونکي د خلیلزاد دا څرګندونې طالبانو ته د امریکا حکومت جدي خبرداری بولي.

خلیلزاد: که طالبان سوله ونه کړي، امریکا به د جمهوريت غوښتونکو افغانانو ترڅنګ ودرېږي

د افغان سولې لپاره د امریکا د بهرنیو چارو وزارت ځانګړی استازی زلمی خلیلزاد وایي، که وسله‌وال طالبان د راتلونکې اجماع او جوړجاړي پر بنسټ د سولې لاره غوره نه کړي، امریکا به د هغو افغانانو ترڅنګ ودرېږي چې د جمهوریت ساتنې لپاره هڅې کوي.
نوموړي دا څرګندونې بېګاه پر خپلې ټويټر‌پاڼې لیکلي او د جمهوريت اړخ د سیاسي یووالي پر اړتیا یې ټينګار کړی دی.

خلیلزاد له ملابرادر او په قطر کې د افغان دولت له مرکچي پلاوي سره لیدلي

د افغان سولې لپاره د امریکا د بهرنیو چارو وزارت ځانګړي استازي په قطر کې د طالب ډلې له سیاسي مرستیال ملاعبدالغني برادر او د افغان دولت د سولې مرکچي پلاوي له یوشمېر غړیو سره لیدلي دي.
د طالبانو د قطر دفتر ویاند محمدنعیم نن پر خپل ټویټر لیکلي چې خلیلزاد پرون ماسپښین له ملابرادر سره لیدلي دي.

خلیلزاد: تمه ده افغانستان له واحدې طرحې سره د استانبول غونډه کې ګډون وکړي

د افغان سولې لپاره د امریکا د بهرنیو چارو وزارت ځانګړی استازی زلمی خلیلزاد وايي، نړۍ تمه لري چې افغانان له واحدې طرحې سره د استانبول غونډه کې ګډون وکړي. نوموړي دا څرګندونې نن د ملي روغې جوړې شورا له رییس عبدالله عبدالله او غړیو سره په لیدنه کې کړې دي.
زلمی خلیلزاد نن کابل ته راغی او له ولسمشر محمداشرف غني او عبدالله عبدالله سره یې ولیدل.

«ښايي د خلیل‌زاد د مشارکتي حکومت وړاندیز ګټور وي»

په تازه‌ګۍ سره د قطر په دوحې کې د سولې خبرو له درېدو وروسته، افغان سولې لپاره د امریکا د بهرنيو چارو وزارت ځانګړي استازي زلمي خليل‌زاد د خپلو سفرونو تازه لړۍ پیل کړې ده. سیاسي رهبرانو ته نږدې سرچینې وایي، زلمی خلیل‌زاد داځل د افغانستان ژغورلو لپاره د نوي مشارکتي حکومت وړاندیز له ځان سره راوړی او دغه وړاندیز یې د حکومت مشرانو، طالبانو، سیاسي ګوندونو او د هېواد مطرحو څېرو سره شریک کړی دی.

د انټوني بلېنکن او خلیلزاد لیدنه؛ افغانستان کې پر تلپاتې اوربند بحث شوی

د امریکا د بهرنیو چارو وزیر انټوني بلېنکن د افغان سولې لپاره د دغه وزارت له ځانګړي استازي زلمي خلیلزاد سره لیدلي دي.
بلېنکن په یوه ټویټ کې لیکلي چې له خلیلزاد سره یې په یاده لیدنه کې د ترهګرۍ پر وړاندې د امریکا د ساتنې، په افغانستان کې یوې تلپاتې او عادلانه سولې ته د رسېدو او په دغه هېواد کې د یوه بشپړ او تلپاتې اوربند په اړه خبرې کړې دي.

شنونکي: خلیلزاد هڅه کوي ولسمشر او ځینې سیاستوال د واک لېږد ته چمتو کړي

 

د افغان سولې لپاره د امریکا د بهرنيو چارو وزارت ځانګړي استازي زلمي خلیلزاد یو شمېر سیاستوالو او حکومتي مشرانو سره لیدنه کې جهادي قومندان عبدالرب رسول سیاف ته ویلي چې ولسمشر او ځینې نورو سیاستوالو سره د واک لېږد په اړه خبرې وکړي.

ځینو راپورنو کې ویل شوي چې زلمي خلیلزاد تېره ورځ جهادي مشر عبدالرب رسول سیاف سره د لېدو پرمهال له هغه سره د امریکا او طالبانو ترمنځ د سولې د هوکړې پر ځینو پټو مسایلو خبرې کړې دي.

خلیلزاد: ترورونه او وژنې د سولې پروسه ګواښي

د افغان سولې لپاره د امریکا د بهرنیو چارو وزارت ځانګړی استازی وايي، هدفي وژنې او ترورونه د سولې پروسه ګواښي او باید ودرول شي. نوموړي تازه پر خپلې ټویټرپاڼې لیکلي چې افغانان سوله غواړي. د نوموړي په وینا، اوربند او سیاسي هوکړه بیړنۍ هوکړې ته اړتیا لري.