د خوست امنیتي مسوولان وايي چې وړمه شپه د دې ولایت په صبریو ولسوالي کې د دوو کورنیو ترمنځ د ځمکې په سر شخړه رامنځته شوې چې له امله یې یو کس وژل شوی او لس نور ټپیان دي.
د خوست د امنیې قومنداني ویاند مستغفر ګربز سلاموطندار ته ویلي چې شخړه د ځمکې پر سر د دوو کورنیو ترمنځ شوې او له امله یې یو کس وژل شوی دی.
د سلاموطندار پښتو فېسبوکپاڼه وڅارئ
د نوموړي په وینا، په دې پېښه کې له دواړو لوریو لس کسان ټپيان شوي هم دي. د امنیې قومنداني ویاند زیاته کړې چې امنیتي ځواکونو د یاد کس د وژنې په تور دوه کسان هم نیولي چې اوس ترې څېړنې روانې دي.
سلاموطندار پر ټویټر هم وڅارئ
دا لومړی ځل نه دی چې د ځمکو پر سر دا ډول شخړې رامنځته کېږي، بلکې له دې وړاندې هم دا ډول شخړې رامنځته شوي چې یوشمېر کسان پهکې وژل شوي او ټپیان شوي دي.
