بادغیس کې محلي سرچینې وايي چې ناپېژنده کسانو دغه ولایت کې یو ولسي وګړی وژلی دی.
پېښه بېګاه هغه مهال رامنځته شوې چې دغه کس د قادس ولسوالي له «خاکپولک» کلي څخه د «خواجه پسته» کلي پر لورې روان و.
د بادغیس د والي ویاند احمدجان حنظله پېښې تایید کړې او ویلي یې دي چې ناپېژنده کسانو یاد کس پنځه مرمۍ ویشتلی دی.
نوموړی زیاتوي چې د پېښې په تړاو دوه کسان نیول شوي او د نورو عاملانو د نیولو لپاره هڅې روانې دي.
سلاموطندار پر ټوېټرپاڼه هم وڅارئ
د بادغیس محلي مسوولانو او سرچینې د یادې وژنې د انګېزې په اړه څه نه دي ویلي.
