په خوست کې د اسلامي امارت مسوولان وایي چې په وروستیو څو ورځو کې یې د اسلامي دولت نومې ډلې یا داعش پورې اړوند ۱۴ کسان د یاد ولایت له بېلابېلو سیمو څخه نیولې دي.
د سلاموطندار پښتو فېسبوکپاڼه وڅارئ
د خوست د اطلاعاتو او فرهنګ وزارت رییس شبیراحمد عثماني سلاموطندار ته وايي چې نیول شویو کسانو غوښتل په دغه ولایت کې «ورانوونکي او ترهګریز» بریدونه ترسره کړي چې په دې ولایت کې د اسلامي امارت ځواکونو له لوري نیول شوي دي.
عثماني زیاتوي چې له نیولو شویو کسانو موندل شوي سندونه ښايي چې دوی د داعش ډلې پورې تړاو درلود.
داعش ډلې تراوسه په دې اړه څه نه دي ویلي.
