د خوست د امنیې قومانداني وياند طاهر احرار وايي، دا پېښه تېر ماښام شپږنیمې بجې د دغه ولايت د مرکز اړوند د لکڼو په کوړيانو کلي کې شوې ده.
د نوموړي په وینا، په پېښه کې يو ځوان چې تازه له طب پوهنځي څخه فارغ شوی و، وژل شوی او د دواړو لوريو شپږ کسان ټپيان شوي دي.
د بامیان امنیتي مسوولان وايي، د دغه ولایت په مرکز «بامیان ښار» کې یوه ۱۳کلن هلک ځانوژنه کړې ده.
د بامیان د والي ویاند فرزان سیغاني سلاموطندار ته ویلي، پېښه شنبه د غبرګولي ۱۳مه د بامیانو ښار «زرګران» سیمه کې رامنځته شوې ده. هغه د یادې ځانوژنې د لاملونو او انګېزې په اړه څه نه دي ویلي، خو یوې سرچینې سلاموطندار ته ویلي، دغه هلک د خپلې کورنۍ غړیو سره تر لفظي شخړې وروسته ځانوژنه کړې.
د غور امنیتي مسوولان وايي چې دغه ولایت کې د دوو کورنیو ترمنځ د رامنځته شوې شخړې په پایله کې یو ماشوم وژل شوی دی.
د غور امنیتي مسوولانو په وینا، پېښه د یاد ولایت د پسابند ولسوالي اړوند سیمه کې پرون جمعه د غبرګولي پنځمه رامنځته شوې چې له کبله یې یو ۱۲کلن ماشوم وژل شوی دی.
د پکتیکا محلي مسوولان وايي چې دغه ولایت کې د دوو کورنیو ترمنځ د رامنځته شوې شخړې په پایله کې اووه کسان وژل شوي دي.
د پکتیکا د والي ویاند ثناالله معصوم سلاموطندارته ویلي چې پېښه پرون جمعه د وري ۲۵مه د یاد ولایت د خیرکوټ ولسوالي د «پایندهخېلو» کلي کې رامنځته شوې ده.
د غور امنیتي مسوولان وايي چې پرون د دغه ولایت د لعلاوسرجنګل ولسوالي په روغنقل سیمه کې د یوې حقوي او قومي شخړې په پایله کې د ښځو په ګډون نهه کسان ټپیان شوي دي.
د فاریاب امنیتي مسوولانو سلاموطندار ته ویلي چې د دغه ولایت په دولتاباد ولسوالي کې دوو کورنیو د څړځای پر سر شخړه کړې چې له کبله یې درې کسان وژل شوي دي. دا پېښه پرون د دولتاباد ولسوالي په «شور دریا» سیمه کې شوې ده.
د کاپیسا د نجراب ولسوالي مسوولان وايي، دوو ورونو په دې ولسوالي کې د نیالګیو پر سر شخړه کړې چې له کبله یې درېوو کسانو ته مرګژوبله اوښتې ده.
د بغلان امنیتي مسوولان وايي چې دغه ولایت کې یو تنکی ځوان د فوټبال لوبې پر سر د شخړې له امله وژل شوی دی.
د ننګرهار د شینوارو ولسوالي ځايي اوسېدونکي وايي چې د دغه ولایت په شینوارو ولسوالي کې د دوو کورنیو ترمنځ خپلمنځې نښته کې درې کسانو ته مرګژوبله اوښتې ده.
فاریاب کې امنیتي سرچینې وايي چې په دغه ولایت کې یوه کس د ځمکې پر سر شخړه کې خپل پلار او کاکا وژلي او بل کاکا یې ټپي کړی دی.
د بغلان محلي مسوولان وايي چې د دغه ولایت په مرکز پلخمري ښار کې د دوو کورنیو ترمنځ د ځمکې وېش پر سر د شخړې له امله څلور کسان وژل شوي او دوه نور ټپیان دي.
د پکتیا امنیې قومنداني ویاند عمر بدري وايي، پرون مازدیګر د دغه ولایت په څمکنیو ولسوالي کې د ځمکې پر سر د شخړې له امله یو کس وژل شوی دی.
د لغمان محلي مسوولان وايي، دغه ولایت په دولتشاه ولسوالي کې د دوو کورنیو ترمنځ د شخړې له کبله پنځه کسان وژل شوي دي.
د تخار په خواجه بهاالدین ولسوالي کې باوري سرچینو سلاموطندار ته ویلي، دې ولسوالي ته له پاکستانه بېرته راغلو کورنیو له دوو ورځو راهیسې په «شورتوغي» او «ګلبهار» سیمو کې خلک له کورونو وباسي او تراوسه یې له «ګلبهار» سیمې نه له ۵۰ ډېرې کورنۍ اېستلې دي.
د دایکندي محلي مسوولان وايي چې د دغه ولایت په شهرستان ولسوالي کې یو کس د اوبو پر سر د شخړې له کبله وژل شوی دی.
د غور امنیتي مسوولان وايي چې د دغه ولایت د تیورې ولسوالي په «کچوی نیلي» کلي کې د دوو کورنیو ترمنځ د ماشومانو پر سر د رامنځته شوې شخړې له امله یو کس وژل شوی دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
