د بغلان امنیتي مسوولان وايي چې دغه ولایت کې یو تنکی ځوان د فوټبال لوبې پر سر د شخړې له امله وژل شوی دی.
د بغلان د امنیې قومنداني د رسنیو برخې مسوول شېراحمد برهاني سلاموطندار ته ویلي چې د دغه ولایت د مرکزي بغلان ولسوالي «د قند فابریکې په شپږم سړک» سیمه کې د دوو ځوانانو ترمنځ د فوټبال لوبې پر سر شخړه شوې چې له امله یوه ځوان بل پر ډبره ویشتی او وژل شوی دی.
په ورته مهال د مرکزي بغلان ولسوالي کې روغتیايي چارواکي وايي چې دغه ځوان یې د ښې درملنې لپاره کندوز ته لېږلی و چې همالته یې د ټپونو له امله ساه ورکړې ده.
سلاموطندار پر ټوېټرپاڼه هم وڅارئ
د بغلان د امنیې قومنداني د رسنیو برخې مسوولان زیاتوي چې قاتل نیول شوی او دا مهال د مرکزي بغلان ولسوالي امنیې قومنداني کې تر نظارت لاندې دی.
