د پروان امنیتي مسوولان وايي چې د دغه ولایت په اړوند سیمه کې یو کس د خپل د تره زوی «اکاه زوی» لهخوا وژل شوی دی.
پېښه پرون پنجشنبه د غويي ۲۸مه د یاد ولایت د بګرام ولسوالي اړوند سیمه کې شوې ده. د پروان د امنیې قومنداني ویاند محمدکامران حبیبي سلاموطندار ته د پېښې د تایید ترڅنګ وايي چې دغه کس د ټوپک ډزو وژل شوی دی.
د سلاموطندار پښتو فېسبوکپاڼه وڅارئ
د حبیبي په وینا، وژل شوی کس ۵۵کاله عمر لري او د خپل د تره زوی له لوري وژل شوی. نوموړي په دې اړه نور جزیات ور نهکړل، خو زیاته یې کړه چې قاتل له سیمې تښتېدلی او د نیولو لپاره یې هڅې روانې دي.
د پروان د امنیې قومنداني ویاند د یادې پېښې لامل او انګېزه کورنۍ ستونزې وبللې. دا په داسې مهال دی چې له دې وړاندې هم دغه ولایت کې ورته پېښې رامنځته شوي دي.
