د کاپیسا د امنیې قومانداني مسوولان د دغه ولایت په نجراب ولسوالي کې په ښکاري ټوپک د لوبې له کبله د یوه ځوان د وژل کېدو خبر ورکوي.
د سلاموطندار پښتو فېسبوکپاڼه وڅارئ
د کاپیسا د امنیې قومانداني ویاند عبدالفتاح فایز سلاموطندار ته ویلي چې د ادریس په نوم یوه ځوان پرون ماسپښین ناوخته د نجراب ولسوالي د «دلیار خارجدره» کې له یوه بل ځوان سره په ښکاري ټوپک لوبې کړي چې په تېروتنې پرې ډز شوی دی.
د نوموړي په وینا، په دې پېښه کې ادریس لومړی په سترګه سخت ټپي شوی و. هغه زیاتوي چې د ادریس خپلوانو هغه د نجراب ولسوالي کلینیک او بیا د پنجشېر ایمرجنسي روغتون ته لېږدولی او هلته یې پور پرې کړی دی.
د کاپیسا د امنیې قومانداني ویاند زیاتوي چې د پېښې په تړاو یې څوک نهدي نیولي؛ ځکه د وژل شوي کس کورنۍ پر چا ادعا نهده کړې.
د یادونې ده چې تر مخکې په یوشمېر ولایتونو کې هم ورته پېښې شوي او له کبله یې ګڼشمېر کسانو ته مرګژوبله اوښتې ده.
