د پکتیا محلي مسوولان وايي چې د دغه ولایت په سیدکرم ولسوالي کې د دوو کورنیو ترمنځ د ځمکې پر سر د شخړې له امله دوه کسان وژل شوي او دوه نور ټپیان دي.
د پکتیا د اطلاعاتو او فرهنګ رییس خالقیار احمدزي سلاموطندار ته ویلي چې پېښه نن ۱۲ بجې د یاد ولایت د سیدکرم ولسوالي اړوند د «حسینخېلو» کلي کې د دوو کورنیو ترمنځ د ځمکې پر سر رامنځته شوې ده.
د سلاموطندار پښتو فېسبوکپاڼه وڅارئ
خالقیار زیاته کړې چې وژل شوي او ټپیان د یوې کورنۍ غړي دي او قاتل د امنیتي ځواکونو لهخوا نیول شوی دی.
سلاموطندار پر ټویټر هم وڅارئ
څو ورځې وړاندې هم د پکتیا په زرمت ولسوالي کې د دوو کورنیو ترمنځ د ځمکې پر سر شخړه رامنځته شوې وه چې له امله یې نهو کسانو ته مرګژوبله اوښتې وه.
