ا.ا په ایران کې د قاسم سلیماني د تلین پر مراسمو شوې چاودنې غندلي

د بهرنیو چارو وزارت د ایران په کرمان ولایت کې د قاسم سلیماني د څلورم تلین مراسمو کې شوې دوه مرګونې چاودنې په کلکو ټکو غندلي دي.

د بهرنیو چارو وزارت ویاند عبدالقهار بلخي پر اېکس لیکلي چې ا.ا دغه چاودنې غندي او د ایران حکومت او خلکو ته په ځانګړې توګه د قربانیانو کورنیو ته خپله ژوره خواخوږي وړاندې کوي.

نورستان کې چاودنې دوه ماشومان وژلي او یو بل یې ټپي کړی

د نورستان محلي مسوولان وايي چې د دغه ولایت په اړوند سیمه کې د ناچاودو توکو د چاودنې له کبله دوه ماشومان وژل شوي او یو بل ټپي دی.

د یاد ولایت د والي ویاند سیف‌الله لټون ویلي چې پېښه نن شنبه د غبرګولي څلورمه د نورستان د وانټ‌وایګل ولسوالي د «سامګل» په دره کې رامنځته شوې ده.

پکتیکا کې د دوو کورنیو ترمنځ د شخړې له امله اووه کسان وژل شوي

د پکتیکا محلي مسوولان وايي چې دغه ولایت کې د دوو کورنیو ترمنځ د رامنځته شوې شخړې په پایله کې اووه کسان وژل شوي دي.

د پکتیکا د والي ویاند ثناالله معصوم سلام‌وطندارته ویلي چې پېښه پرون جمعه د وري ۲۵مه د یاد ولایت د خیرکوټ ولسوالي د «پاینده‌خېلو» کلي کې رامنځته شوې ده.

بلوچستان کې وسله‌واله نښته؛ څلور پاکستاني پولیس وژل شوي

د پاکستان د بلوچستان ایالت مرکز کوټه ښار کې د یوې وسله‌والې نښتې پرمهال څلور پاکستاني پولیس وژل شوي دي.

پاکستاني رسنیو نن سه‌شنبه د اپرېل یوولسمه راپور ورکړی چې پېښه بېګاه ناوخته د کوټې ښار اړوند کچلاغ سیمه کې رامنځته شوې ده.

بلخ کې د ا.ا د ځواکونو عملیاتو کې شپږ داعشیان وژل شوي

د بلخ امنیتي مسوولان وايي چې دغه ولایت کې یې د داعش ډلې شپږ غړي وژلي دي. د بلخ د امنیې قومنداني ویاند محمداصف وزیري وايي، ځانګړو ځواکونو بېګاه شپه د دغه ولایت د نهرشاهي ولسوالي «انجنير مهدي» سيمه کې د داعش وسله‌والو پر یوه پټنځای عملیات کړي چې په پايله کې يې شپږ داعشیان وژل شوي دي.

پاکستان کې چاودنه؛ څلور پولیس وژل شوي او شپږ ټپیان دي

پاکستاني رسنیو راپور ورکړی چې دغه هېواد کې د یوې چاودنې پر مهال د یوه لوړپوړي پولیس چارواکي په ګډون څلور پولیس وژل شوي او شپږ نور ټپیان دي.

رسنیو نن پنج‌شنبه د مارچ ۳۰مه راپور ورکړی چې چاودنه نن سهار د خېبرپښتونخوا ایالت لکي مروت سیمه کې رامنځته شوې ده.

کابل کې ځانمرګی برید؛ کورنیو چارو وزارت: شپږ ملکیان وژل شوي

د کورنیو چارو وزارت پر خپله ټوېټرپاڼه لیکلي چې د کابل د دویمې امنیتي حوزې اړوند ملک اضغر څلور لارې کې د پولیسو چک‌پواینټ ته نږدې موخې ته له رسېدو مخکې د امنیتي ځواکونو له لوري په نښه شوی او وژل شوی دی.

پېښه نن دوشنبه د وري اوومه له غرمې وروسته رامنځته شوې ده. یاده سیمه د بهرنیو چارو وزارت ته په څو قدمۍ کې پرته ده.

بلوچستان کې ځانمرګی برید؛ نهه پاکستاني پولیس وژل شوي او ۱۳ ټپیان دي

د پاکستان د بلوچستان ایالت په اړوند سیمه کې د پولیسو پر موټر د ځانمرګي برید له کبله نهه پولیس سرتیري وژل شوي او ۱۳ نور ټپیان دي.

برید نن دوشنبه د کب ۱۵مه د بلوچستان ایالت د کچي ولسوالي کنبري پُل سره نږدې شوی دی. په ورته مهال پاکستاني رسنیو راپور ورکړی چې ښايي د مرګ‌ژوبلې شمېرې له دې هم لوړې شي.

پکتیا کې د چاودنې له امله د یوې کورنۍ دوه غړي وژل شوي

د پکتیا امنیتي مسوولان وايي چې نن یکشنبه د کب ۱۴مه د دغه ولایت د څمکنیو ولسوالي اړوند یوه کور کې د چاودنې له امله د یوې کورنۍ دوه غړي وژل شوي او درې نور ټپیان دي.

د پکتیا د اطلاعاتو او فرهنګ رییس ثواب جان اسلامیار سلام‌وطندار ته وايي، چاودنه نن سهار اووه بجې د څمکنیو ولسوالي په سلیمان‌خېلو بټ کې رامنځته شوې ده.

هرات کې د داعش ډلې شپږ غړي وژل شوي

د هرات د امنیې قومنداني د رسنیو دفتر په یوې خبرپاڼه کې ویلي، دغه ولایت کې د داعش ډلې پر یوه پټن‌ځای د عملیاتو پر مهال د یوې ښځې په ګډون د یادې ډلې شپږ غړي وژل شوي دي. دغه عملیات بېګاه ۱۰بجې د هرات ښار د څوارلسمې ناحیې اړوند «رباط کابلي‌ها» سیمه کې رامنځته شوې ده. د عملیاتو پر مهال له یادو کسانو څخه درې میله کلاشینکوف، پنځه میله توپانچې، یو دوربین او ۱۵ موبایلونه هم ترلاسه شوي دي.

د تېرې یوې میاشتې پر مهال جنايي پېښو کې ۴۲ کسان وژل شوي

په رسنیو کې د خپرو شویو راپورونو پر بنسټ، د وروستۍ یوې میاشتې پر مهال په ټول هېواد کې ۳۱ جنايي پېښې شوي چې اته یې د تېرې میاشتې په لومړۍ نیمايي او ۲۳ یې په دویمه نیمايي کې ثبت شوي دي.

ورورستۍ ۲۳ پېښې د سلواغې له ۲۴مې د کب تر اوومې رامنځته شوي چې دوه برابره لوړوالی ښيي.