اسراییلي ځواکونو د غزې پر بېلابېلو سیمو بمبارۍ ته دوام ورکړی چې د نن یکشنبې سهار وختي بریدونو کې لږ تر لږه ۷۸ فلسطینیان وژل شوي دي.
د راپورونو پر اساس، ویل شوي چې دغو بریدونو کې ګڼ شمېر نور ټپیان شوي هم دي.
دا بریدونه په داسې حال کې زیات شوي چې اسراییل په غزه کې د نوي ځمکني برید لپاره چمتووالی نیسي او په قطر کې د حماس سره د اوربند خبرې بیا پیلوي.
د راپورونو پر بنسټ، د اسراییل له لوري د غزې کلابندۍ له پیل راهیسې شاوخوا نیم میلیون فلسطینیان له شدیدې لوږې سره مخ شوي دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
اسراییل له څه باندې دوو میاشتو راهیسې غزې ته د خوړو، اوبو او نورو اړینو بشري مرستو د لېږد مخه نیولې او د غزې اوسېدونکي یې د مرګ له ګواښ سره مخ کړي دي.
د روغتیايي مسوولانو په وینا، غزه کې د نښتو او بریدونو پرمهال د وژل شویو شمېر له ۵۳زره او ۲۷۲ لوړ شوی او نژدې ۱۲۰ زره نور ټپیان دي.
