د هرات د امنیې قومنداني ویاند محمودشاه رسولي وايي، ناپېژنده وسلهوالو نن سهار شاوخوا ۷ بجې د هرات ښار څلورمه ناحیه کې د ۲۰۷ الفاروق قول اردو د کارکوونکو پر موتر برید کړی دی.
دغه پېښه د «هاتفي» په نوم د نجونو یوه ښوونځي سره نژدې داسې مهال شوې چې زدهکوونکي ښوونځي ته روان وو.
د هرات د امنیې قومنداني ویاند وویل، امنیتي ځواکونو سره نښته کې یو برید کوونکی وژل شوی.
د سلاموطندار پښتو فېسبوکپاڼه وڅارئ
د پېښې عیني شاهدانو او ولسي سرچینو بیا ویلي، نښتې نژدې نیم ساعت دوام کړی دی.
تراوسه د دغه برید د تلفاتو په اړه جزییات نه دي ورکړل شوي او مسوولیت یې هم کومې ډلې نه دی منلی.
سلاموطندار پر ټویټر هم وڅارئ
خو د هرات د امنیې قومنداني ویاند ردوي چې برید کې دې ملکيانو او نظامیانو ته تلفات اوښتي وي.
د یادونې ده چې دې ورستيو کې د هېواد بېلا بېلو ولایتونو کې د ناامنیو پېښې زیاتې شوي، چې مرګژوبله هم لري.
