کونړ کې یوې سرچینې سلاموطندار ته وویل، د دغه ولایت اړوند په فرضي کرښه د دواړو لورو قومي مشرانو په منځګړتوب، د اسلامي امارت او پاکستاني لوري ترمنځ اوربند وشو.
سرچینه زیاتوي چې دواړو لورو قومي مشرانو ته منلې چې له دې وروسته به د کونړ اړوند پر فرضي کرښه جګړه نهکوي او له سیمو څخه بېځایه شوي ولسونه به بېرته خپلو سیمو ته ستیږي.
د اسلامي امارت چارواکو تراوسه رسمآ په دې تړاو څه نه دي ویلي.
دا داسې مهال چې پر کونړ د پاکستان وروستیو بریدونو کې ۳ ملکیان شهیدان او ۱۴ ټپیان شوي چې ډېری یې ښځې او ماشومان دي.
همدارنګه دغو بریدونو کې د نجونو او هلکانو دوه ښوونځي، یو روغتیایي مرکز او دوه جوماتونه ویجاړ شوي او ۸۰ څاروي هم تلف شوي دي.