په فراه کې محلي سرچینې وايي چې د دغه ولایت په بالابلوک ولسوالي کې د ملي اردو یوه پوسته د طالبانو لاس ته ورغلې او لږترلږه ۳۰ سرتېري پهکې وژل شوي دي.
د فراه د ولایتي شورا غړی خیرمحمد نورزي سلاموطندار ته ویلي چې طالبانو سهار وختي شاوخوا ۲ بجې د بالابلوک ولسوالي په شیوان سیمه کې د یوې سمڅې په اېستلو او چاودنې سره د ملي اردو یوه مرکز ته ورغلي دي.
د هغه په وینا، په برید کې یاده پوسته د طالبانو لاس ته ورغلې او په پایله کې یې لږترلږه ۳۰ سرتېري وژل شوي دي.
د فراه امنیتي مسوولانو او طالب ډلې تر اوسه په دې اړه څه نه دي ویلي.
