یوشمېر افغانان چې د اسلامي امارت له راتګ وروسته له قاچاقي لارو له هېواده وتلي، وايي چې د بهرنیو هېوادونو پر پولو له ګڼو ستونزو سره لاس او ګرېوان دي. دوی وايي، د پوله‌ساتو ځواکونو له لوري نه یوازې وهل ټکول کېږي، بلکې د مرمیو په ویشتلو یې اړ باسي چې بېرته راوګرځي.

یو افغان نقیب‌الله ولولجي چې د طالبانو له راتګ وروسته یې هېواد پريښی او غواړي د ایران له لارې ترکیې ته ولاړ شي، وايي چې د ترکیې پر پولې د دغه هېواد د پوله‌ساتو ځواکونو له لوري وهل شوی او درې ځله یې بېرته ایران ته را ګرځولی دی.

د سلام‌وطندار پښتو فېسبوک‌پاڼه وڅارئ

په همدې حال کې یو بل افغان اسلام‌الدین خیرخواه چې د تېر حکومت د ملي دفاع وزارت کارکوونکی و وايي، له قانوني لارو یې بهرنیو هېوادونو ته د تګ وسه نه لرله او په وینا یې، قاچاقیانو هم په چل او پیسو اخیستلو سره نه دي توانېدلي چې له پولې یې واړوي.

د خیرخواه په وینا، قاچاقیان له موټرچلوونکو سره لاس یو کړی او کډوال غلو ته سپاري. هغه زیاتوي چې غله او نور کسان له نارینه‌وو نه د پیسو غوښتلو په موخه د هغوی ښځې نه یوازې یرغمل کوي، بلکې ځوروي یې.

سلام‌وطندار پر ټویټر هم وڅارئ

تر دې مخکې پر بشري حقونو د څار سازمان راپور ورکړی و چې ترکي ځواکونو افغانان دومره وهلي ټکولي چې ان د یوشمېر هغو هډوکي هم مات شوي دي.

دغه سازمان له کډوالو سره دا ډول چلن د نړیوالو قوانینو خلاف عمل بللی او ټینګار یې کړی چې د ترکیې په ګډون، ټول هېوادونه باید بشري حقونو او نړیوالو قوانینو ته درناوی وکړي.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام