د رویټرز خبري اژانس راپور ورکړی چې د چین د بهرنیو چارو وزیر وانګ یي ویلي، پر افغانستان لګېدلي اقتصادي بندیزونه دې ژر تر ژره لرې شي. رویټرز لیکلي، د چین د بهرنیو چارو وزیر دغه څرګندونې د جي ۲۰ هېوادونو په ناسته کې مطرح کړې دي.

د سلام‌وطندار پښتو فېسبوک‌پاڼه وڅارئ

د چین د بهرنیو چارو وزیر په دغه ناسته کې د افغانستان د وګړو روان وضعیت ته په پام سره ویلي چې د دغه هېواد پر وړاندې لګول شوي بندیزونه دې لرې شي. نوموړي د افغانستان بانک شتمنیو ته په اشارې سره څرګنده کړه چې دغه شتمني د افغانستان د خلکو پورې اړه لري او باید د دغه هېواد خلکو ته ورکړل شي.

وانګ یي ټينګار کړی چې له دغې شتمنۍ څخه باید د افغانستان خلک ګټه واخلي او هغه نه باید د سیاسي موخو  ښکار وګرځي.

سلام‌وطندار پر ټویټر هم وڅارئ

چین په داسې حال کې پر افغانستان د لګول شویو اقتصادي بندیزونو د لرې کولو خبره کوي چې امریکا د افغانستان بانک شتمني کنګل کړې ده. دغه هېواد ویلي چې طالبان نه باید دغو پیسو ته لاسرسی پیدا کړي.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام