د تخار د امنیې قومانداني ویاند عبدالمبین ساپي سلاموطندار ته ویلي چې یو سړی او یوه ښځه یې له کوره د تېښتې او نامشروع اړیکې په تور نیولي دي.
د نوموړي په وینا، دغه کسان نن سهار د تخار د مرکز تالقان ښار په «آقمسجد» سیمه کې نیول شوي دي.
هغه زیاتوي، ښځې او سړي دواړو د نامشروع اړیکو پر لرلو اعتراف کړی او اوس بندیان دي.
تر دې وړاندې هم د هېواد په یوشمېر ولایتونو کې یوشمېر ښځینه او نارینه د نامشروع اړیکو لرلو په تور نیول شوي او یا هم د خپلوانو له لوري وژل شوي دي.
