ا.ا د ملګرو ملتونو د بشري حقونو شورا د ۵۷مې غونډې پر مهال په افغانستان کې د بشري حقونو، په تېره د ښځو د وضعیت په اړه د اندېښنو له څرګندولو وروسته دا غونډه او پهکې د افغانستان په اړه وړاندې شوي راپورونه یواړخیز بولي.
د ا.ا د ویاند مرستیال حمدالله فطرت وايي، په یاده ناسته کې یادې شوې شوې اندېښنې د سرپرست حکومت لپاره د منلو وړ نهدي.
که څه هم بدخشان کې یوشمېر ښځې وايي چې د اقتصادي ستونزو او عامه پوهاوي نه لرلو له کبله په خپل سر درمل خوري، خو ډاکټران خبرداری ورکوي چې د خپلسرو درملو کارول بدې پایلې لري.
د بدخشان اوسېدونکې فریده او جاوېده وايي، ښځې، په تېره امېندواره مېرمنې په دغه ولایت کې په خپل سر درمل خوري.
له ۲۲ ښځینه کارګرانو سره د سلاموطندار د مرکو موندنې ښيي چې دا ښځې د خلکو په کورونو کې له سختو کارونو سره سره لږ تنخوا اخلي او د کار خاوندانو له لوري ورسره نامناسب چلن کېږي. دوی وايي، د سختو اقتصادي ستونزو له کبله یې درنو کارونو ته مخه کړې، خو کمه تنخوا یې د ژوند د لومړنیو اړتیاوو پوره کولو لپاره بسنه نه کوي.
په غزني کې یوشمېر امېندواره مېرمنې وايي، د امېندوارۍ پر مهال ساهلنډي ورته پیدا کېږي او ځینې وخت له دې ناروغۍ د وتلو لپاره ځانګړي درمل وخوري چې په وینا یې، ښايي ماشوم ته یې زیان ورسېږي.
دوه امېندواره مېرمنې مرضیه او لیلی چې ساهلنډي یې ځوروي وايي، د امېندوارۍ په منځنیو میاشتو کې پر دې ناروغي اخته کېږي.
د ملګرو ملتونو ښوونیز، علمي او کلتوري سازمان یا یونیسکو د سپټمبر اتمه د سواد د نړیوالې ورځې په توګه نومولې ده. یوشمېر مدني او د پوهنې برخې فعالان وايي، په افغانستان کې د بېسوادۍ کچې د لوړېدو لامل کلونه کلونه جګړې او بېوزلي ده. مدني فعاله تهمينه منګل وايي، بېسوادي د هېواد پر اقتصادي او ټولنيز وضعيت منفي اغېز کوي او په وینا یې، وزګارتیا او بېوزلي ورسره ډېرېږي.
د سرپرست حکومت د بهرنیو چارو وزارت د شنبې ورځ د افغانستان او ترکمنستان ترمنځ د ټاپي، نوري فایبر، ټاپي او اورګاډي پټلۍ پروژو د پرانېستلو لپاره د جوړ شوي کمېسیون لومړنۍ غونډه وکړه. د معلوماتو له مخې، دا پروژې به په راتلونکو څو ورځو کې پرانېستل شي.
د سرحدونو، قومونو او قبایلو چارو وزارت مسوولانو چې نن یې خپلې یوکلنې لاستهراوړنې له رسنیو سره شریکولې وویل، د دغه وزارت مسوولانو په تېر یوه کال کې له ۷۰۰ ډېرې جرګې کړي چې له کبله یې ډېری لویې او وړې شخړې هوارې شوې دي. د سرحدونو، قومونو او قبايلو چارو وزارت مسوولان زیاتوي چې د هېواد د پولو د ساتنې لپاره یې هم هڅې روانې دي.
په افغانستان کې د ملګرو ملتونو د بشردوستانه مرستو د همغږۍ دفتر یا اوچا ویلي چې ناروې د افغانستان له بشردوستانه صندوق سره یو میلیون او ۸۰۰ زره ډالره مرسته کړې ده.
اوچا دا موضوع نن (د وږي اتلسمه، یکشنبه) پر خپل اېکس یوه خبرپاڼه کې لیکلې، خو دا یې نهدي ویلي چې یادې پیسې به په کومه برخه کې ولګول شي.
د سرپرست حکومت د کورنیو چارو وزارت سرپرست سراجالدین حقاني وايي، ا.ا له نشهيي توکو سره د مبارزې لپاره د امکاناتو او تجهیزاتو له کمښت سره مخامخ دی. په همدې حال کې د عامې روغتیا وزارت سرپرست نورجلال جلالي په دې غونډه کې ویلي چې په تېرو درېوو کلونو کې یې د ۱۴۰۰۰ کسانو چې پر نشهيي توکو اخته وو، درملنه کړې ده.
ارګ بېګاه پر خپل اېکس لیکلي چې د ریاستالوزرا سیاسي مرستیال محمد عبدالکبیر پرون په کابل کې د جاپان له سفیر تاکایوشي کورومایا سره لیدلي دي.
د جاپان سفیر د دې لیدنې پر مهال په کابل کې له وروستي ځانمرګي برید وروسته دغه برید غندلی او په اړه یې خپله غمرازي کړې ده. د خبرپاڼه له مخې، نوموړي له نشهيي توکو سره د ا.ا مبارزه ستایلې او له افغانستان سره یې د خپلو مرستو پر دوام ټینګار کړی دی.
له ۲۵ ښځو سره د سلاموطندار د مرکو موندنې ښيي چې ښځې د سړک پر سره او ټولیزو ځایونو کې د نارینهوو له فزیکي او ژبني ځور سره مخامخ شوې دي.
د دغو ښځو له ډلې ۱۴ هغو یې ویلي، نارینهوو له کوره دباندې هغوی ته سپکې سپورې کړي او ۱۱ نورو یې بیا ویلي چې د نارینهوو له لګېدو او چلن سره مخامخ شوې دي.
د غزني امنیتي مسوولان وايي چې په دغه ولایت کې یوې ټرافیکي پېښې د دوو کسانو ژوند اخیستی دی. دا پېښه پرون (د وږي پنځلسمه، پنجشنبه) د غزني د مرکز اړوند د روضې کوتل سره شوې ده. د غزني د امنیې قومانداني ویاند خالد سرحدي سلاموطندار ته ویلي چې یو کرولا ډوله موټر پرون ماسپښین له یوې نظامي رېنجرې سره ټکر کړی او له کبله یې د ا.ا یو غړی او یو بل کس مړه شوي دي.
د کابل ښار په بختیارکلا کې د دوشنبې ورځې د ځانمرګي برید د قربانیانو کورنۍ له سرپرست حکومت څخه د امنیت غوښتنه کوي. د دغه برید ټول قربانیان ملکي وګړي دي. په یاد ځانمرګي بريد کې د شپږو وژل شويو کسانو په ډله کې پنځه يې د بدخشان اوسېدونکي دي. په همدې حال کې د کابل د امنيې قومانداني مسوولان د قربانيانو کورنيو ته ډاډ ورکوي چې امنيتي ځواکونه د یادې پېښې د عاملانو پېژندلو او نيولو هڅې کوي.
د ا.ا د بهرنیو چارو وزارت سرپرست امیرخان متقي د جمعې په ورځ په کامرون کې د اسلامي هېوادونو د همکارۍ سازمان د بهرنیو چارو وزیرانو په ۵۰مه غونډه کې له ټولو هېوادونو، په ځانګړې توګه د دغه سازمان له غړیو هېوادونو وغوښتل چې د ګډو ګټو پر بنسټ دې له افغانستان سره خپلې سوداګریزې او پرمختیايي اړېکې پراخې کړي.
د کانونو او پټرولیم وزارت وايي، د دغه وزارت سرپرست هدایتالله بدري ترکمنستان ته د سفر پر مهال د دغه هېواد له چارواکو سره څو اقتصادي قراردادونه لاسلیک کړي دي.
د کانونو او پټرولیم وزارت ویاند همایون افغان وايي، د ترکمنستان-افغانستان-پاکستان او هند ګډې یا ټاپي پروژه، د ۵۰۰ کیلوولټه برښنا د لیکې (TOP) پروژه او د تورغونډۍ-هرات اورګاډي پټلۍ لپاره د لازمو تاسیساتو جوړول په دغو قراردادونو کې شامل دي.
د بلخ محلي مسوولان وايي، د دغه ولایت په مرکز مزارشریف ښار هکې یې په شاوخوا ۲۲ میلیونه افغانیو یو جومات جوړ او د لمونځکوونکو پر مخ پرانېستی دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
