د تخار امنیتي مسوولان وايي چې یوې ښځې نن د دغه ولایت په مرکز تالقان ښار کې له خپلې ورېندارې سره لفظي شخړه کړې او بیا یې په تېشه وژلې ده.
د تخار د امنیې قومانداني ویاند عبدالمبین ساپي سلاموطندار ته ویلي چې وژل شوې ښځه بيبي کبرا نومېږي او ۳۰ کلنه وه. هغه وايي، یاده ښځه د تالقان ښار اوسېدونکې وه.
د تخار د امنیې قومانداني ویاند زیاتوي چې قاتله شایقه نومېږي او په تېشه یې خپله ورېنداره وژلې ده.
هغه وايي، د تخار د امنیې قومانداني د درېیمې امنیتي حوزې مسوولانو قاتله نیولې ده. ساپی ټینګار کوي چې قضیه یې اړوندو ادارو ته سپارلې او په اړه یې لومړنۍ څېړنې هم پیل شوې دي.
