حمیده چې ۱۹ کاله عمر لري، پر کاج ښوونیز مرکز د تېرې جمعې ورځې له بریده ژوندۍ راوتلې ده. هغه د ترور له لور راحیلې او کوچني ورور سره د کانکور ازمایښتي ازموینه کې د ګډون په موخه دغه مرکز ته ورغلي وو.
د افغانستان بانک وايي چې له افغانانو سره د نړیوالې ټولنې د بشردوستانه مرستو په دوام، نن د ۴۰ میلیونه نغدو ډالرو یوه کڅوړه کابل ته را ورسېده او یوه سوداګریز بانک ته وسپارل شوه.
د تخار امنیتي مسوولان وايي چې یوې ښځې نن د دغه ولایت په مرکز تالقان ښار کې له خپلې ورېندارې سره لفظي شخړه کړې او بیا یې په تېشه وژلې ده.
د پاکستان لومړي وزیر شهباز شریف له ګارډین ورځپاڼې سره په یوې مرکه کې د تحریک انصاف ګوند مشر او د دغه هېواد مخکینی لومړی وزیر عمران خان د ځمکې پرمخ تر ټولو لوی درواغجن کس بللی دی.
کابل کې پر کاج ښوونیز مرکز له خونړي برید وروسته نن یو ځل بیا د پلازمېنې اوسېدونکي د یوې چاودنې شاهدان وو.
د کابل د امنیې قومنداني ویاند خالد ځدراڼ وايي چې پېښه د دویمي امنیتي حوزې اړوند سیمه کې د ځای پر ځای شوي ماین له امله رامنځته شوې، خو په وینا یې چې تلفات نهلري.
د پاکستان د طالبانو تحریک نن سهشنبه د تلې ۱۲مه په یوې خبرپاڼه کې ویلي چې د پېښور په متڼو تاڼې سیمه کې یې پرون دوشنبه د پاکستان د پوځ د موټرو پر یوه کاروان برید کړی او د یوه مېلشه په ګډون یې درې پوځیان وژلي دي.
د افغانستان د کرېکټ بورډ ادارې له لوري د لوګر په مرکز پلعلم کې د ۱۸ کلبونو ترمنځ د کرېکټ د پیل شویو سیالیو اتلولي، د همت لوبډلې په بریا سره پای ته ورسېده.
جانيخېل د پکتیا تر ټولو لرې پرته غرنیزه ولسوالي ده چې اوسېدونکي یې له لومړنیو خدمتونو بېبرخې دي. اوسېدونکو یې سلاموطندار ته وايي، د ولسوالي د لویې لارې خرابوالی او د منظم روغتون نشتون، هغه څه دي چې خلک یې ګڼو ستونزو سره مخ کړي. د دوی په وینا، مخکیني حکومت د یادې ولسوالي د لویې لارې د جوړېدو هڅې وکړې، خو تراوسه هم نهده جوړه شوې.
په کندهار کې یوه سرچینه چې نه غواړي نوم یې واخېستل شي، سلاموطندار ته ویلي، یوه کس خپل درې زامن حلال کړي او وژلي یې دي.
سرچینې زیاته کړې چې پېښه د دغه ولایت د ډنډ ولسوالي په کارېز سیمه کې شوې ده.
د چیچنیا مسلمان مشر رمضان قدیروف ویلي چې خپل درې زامن به له روسي ځواکونو سره یوځای د اوکراین پر وړاندې د جګړې ډګر ته واستوي.
د اسراییل پوځ په یوه بیان کې ویلي، دوه فلسطیني وګړي یې هغه مهال ووژل چې هڅه یې کوله له یوه موټر څخه پر سرتېرو برید وکړي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
