په افغانستان کې د ملګرو ملتونو ځانګړې استازولۍ یا یوناما نن پر خپلې فېسبوکپاڼې لیکلي چې ټاکل شوې د ملګرو ملتونو امنیت شورا نن د افغانستان په اړه د تړلیو دروازو شا ته له سلا مشورو وروسته یوه غونډه جوړه کړي.
یوناما وايي، په دې غونډه کې به د افغانستان لپاره د ملګرو ملتونو ځانګړې استازې او په کابل کې د یاد سازمان د ځانګړې استازولۍ یا یوناما رییسه روزا اوتونبایوا او د افغانستان د مدني ټولنې یوه استازې د روان وضعیت په اړه معلومات ورکړي.
همدا راز، په جینوا کې د ملګرو ملتونو د بشري مرستو د همغږۍ ادارې یا اوچا استازي به هم دې غونډې ته ویناوې وکړي.
تمه ده چې د امنیت شورا په دې غونډه کې له افغانستانه نورو هېوادونو ته د ترهګرۍ پر ګواښ هم خبرې وشي.
د سلاموطندار پښتو فېسبوکپاڼه وڅارئ
په افغانستان کې بشري حقونه، په تېره د نجونو او ښځو زدهکړې او کار بله هغه مسله ده چې د امنیت شورا په نننۍ غونډه کې به پرې خبرې وشي.
