د پروان ولایت محلي چارواکي د دغه ولایت په غوربند دره کې پر شینواري ولسوالي د وسله‌والو طالبانو له لوري د پراخو برېدونو خبر ورکوي.  د پروان والي فضل‌الدین عیار سلام‌وطندار ته ویلي چې دغه بریدونه نن سهار وختي پیل شوي او تراوسه روان دي.

د نوموړي په وینا، په دغو بریدونو کې چې د شینواري ولسوالي د نمک اب درې څخه پیل شوي، تراوسه پکې ۶طالبان او ۳ امنیتي ځواکونه وژل شوي دي.

د پروان والي ټينګار کوي چې د جګړې د مهار لپاره د دغه ولایت د امنیه قومندانۍ د امنیت امر ترڅنګ د پوځ د درېيم کنډک د پلې لوا قومندان د جګړې لومړۍ کرښې ته تللي او وضعیت به ډېر ژر عادي حالت ته راوګرځي.

د سلام‌وطندار پښتو فېسبوک‌پاڼه وڅارئ

په همدې حال کې د پروان ولایت د امنیه قومندانۍ د امنیت امر چې د جګړې لومړۍ کرښې ته تللی وایي، پر نمک درې سیمې نېږدې ۲۰۰تر۲۵۰طالب جنګیالیو برید کړی او اوس هم جګړه روانه ده.

نمک دره د پروان ولایت د شینواري ولسوالي اړوند سیمه ده، او د محلي مسوولانو په وینا، که چېرته وسله‌وال طالبان دغه سیمه تر خپلې ولکې لاندې راولي، نو د سیاه‌ګرد، شیخ علي او سرخ پارسا ولسوالۍ به د سقوط له لوړ ګواښ سره مخ شي.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام