امریکا له افغانستان سره د کورونا درې میلیونه ډوزه واکسین مرسته کوي
سپینې ماڼۍ ویلي چې په افغانستان کې د کورونا ویروس نوې بڼه (ډلټا) په خپرېدو ده او امریکا به د «جانسون جانسون» په نوم د کورونا واکسین درې میلیونه ډوزه افغانانو ته وسپاري.
سپینې ماڼۍ ویلي چې په افغانستان کې د کورونا ویروس نوې بڼه (ډلټا) په خپرېدو ده او امریکا به د «جانسون جانسون» په نوم د کورونا واکسین درې میلیونه ډوزه افغانانو ته وسپاري.
د نړیوال بانک مدیره پلاوي پرون له افغانستان سره د نړیوالې پراختیا ادارې ۱۳۲ میلیونه ډالره وړیا مرسته تصویب کړې ده.
نړیوال بانک په یوه خبرپاڼه کې لیکلي چې یادې پیسې به د بنسټیزو اصلاحاتو پروسې د دوام، د دولتي ادارو د لګښتونو او مالي روڼتیا، د حکومتولۍ پیاوړتیا او د خصوصي پانګونې د هڅونې له لارې د افغانستان اقتصادي ودې ته د رسېدو په برخه کې ولګول شي.
د امریکا د دفاع وزارت ویاند جان کربي وایي، د تېرو دوو میاشتو په ترڅ کې د افغانستان په بېلابېلو ولایتو کې د وسلهوالو طالبانو له لوري د څو ولسوالیو د مرکزونو له نیولو سره هممهاله پنټاګون د افغانستان د امنیتي وضعیت د ارزونې په حال کې دی او وضعیت ته په کتو به د ځواکونو د وتلو د ورو کېدو پرېکړه وکړي.
د عامې روغتیا وزارت وايي چې په تېرو څلېرویشت ساعتونو کې ۷۳ کسان د کورونا له کبله مړه شوي او دوه زره او ۲۰۲ نور تازه پرې اخته شوي دي. تازه پېښې د پنځه زره او ۴۹۹ شکمنو نمونو له کتلو ترلاسه شوې دي. په تېره یوه شپه او ورځ کې ۴۹۴ نور کسان چې پر کورونا اخته وو، بېرته ښه شوي دي.
د امریکا متحده ایالاتو ولسمسشر جوبایډن وړمه ورځ په بروکسل کې د ناټو غړو هېوادونو په غونډه کې وویل چې له افغانانو او د دغه هېواد د
امنیتي ځواکونو سره به په ډېپلوماتيکو، اقتصادي او بشرپالنې برخه کې د امریکا ژمنې تلپاتې وي او له دغه هېواد به ملاتړ کوي. هغه ویلي چې امریکا تل د افغانانو ترڅنګ ولاړ دی او دغه هېواد به له ترهګرۍ سره د مبارزې په برخه کې یوازې نه پرېږدي.
د بهرنیو چارو وزارت د ناټو د سرمشریزې غونډې د هغې پرېکړې هرکلی کوي چې له مخې به یې د ناټو غړي هېوادونه د افغانستان ملاتړ ته دوام ورکوي.
دغه وزارت نن په یوه خبرپاڼه کې د ناټو د تېرو همکاریو د ستاینې ترڅنګ، لیکلي چي ترهګري لا هم د افغانستان او ناټو غړي هېوادونه ګواښي او د دواړو لوریو د دوامدارې او سټراټېژیکې همکارۍ دوام ته اړتیا لري.
د عامې روغتیا وزارت وايي چې په تېره یوه شپه او ورځ کې ۸۵ کسان د کورونا له کبله مړه شوي او ۱۵۹۷ نور پرې اخته شوي دي. تازه پېښې د څلور زره او ۵۸۷ شکمنو نمونو د کتنې له لارې ترلاسه شوې دي.
د رسمي شمېرو له مخې، د مړو شویو کسانو شمېر هېواد کې د کورونا ویروس له خپرېدو راهیسې تر ټولو لوړ هغه دی.
طالبانو هر هغه هېواد ته خبرداری ورکړی چې وغواړي له افغانستانه د بهرنیو ځواکونو تر وتلو وروسته هم د کابل هوايي ډګر د امنیت ساتلو په موخه خپل سرتېري پرېږدي.
دغې ډلې نن په یوه خبرپاڼه کې لیکلي چې د هېڅ هېواد د ځواکونو پاتې کېدل ورته د منلو نه دي.
په افغانستان کې پر کورونا د اخته کسانو او له کبله یې د مړینې شمېرو ډېرېدو ته په کتو، د عامې روغتیا وزارت له لوري ناسم وضعیت سره د مخامخېدو په اړه د خبرداري تر څنګ، د بښنې نړیوال سازمان په یوه خبرپاڼه کې لیکلي، که افغان حکومت د کورونا د درېیمې څپې مخنیوي لپاره بیړني تدابیر ونه نیسي او نړیواله ټولنه یې هم لاسنیوی ونه کړي، وضعیت به له کنټروله ووځي.
د عامې روغتیا وزارت وايي چې په تېره یوه شپه او ورځ کې ۶۷ کسانو پر کورونا د اخته کېدو له کبله خپل ژوند بایللی او ۹۷۳ نور پرې اخته شوي دي. تازه پېښې د درې زره او ۴۴۲ شکمنو نمونو د کتنو له لارې چې په یاده موده کې کتل شوي، ترلاسه شوې دي.
په سعودي عربستان کې د افغانستان سفیر احمدجاوېد مجددي نن په مکه کې د افغان سولې په اړه د مفتیانو او دیني عالمانو په ګډه غونډه کې وویل، عربستان او پاکستان په افغانستان کې د سولې راتلو برخه کې مهم رول لري. د نوموړي په وینا، د عربستان او پاکستان دیني عالمان دې په روښانه توګه په افغانستان کې روانه جګړه ناروا اعلان کړي.
د عامې روغتیا وزارت سرپرست وحید مجروح وايي، افغانستان به په راتلونکو څلورو اوونیو کې تر ټولو بدې ورځې تجربه کړي.
د هغه په خبره، هېواد کې د کورونا ویروس د خپرېدو، پرې د خلکو اخته کېدو او له کبله یې د مړو شویو کسانو کچه ښيي چې د دغه ویروس درېیمه څپه د لومړۍ او دویمې هغې په پرتله څو برابره وېروونکې ده.
د امریکا ولسمشر جو بایډن د دغه هېواد کانګرېس ته په یوه لیک کې لیکلي چې امریکا د افغان امنیتي او دفاعي ځواکونو ملاتړ ته دوام ورکوي.
بایډن لیکلي چې له افغانستانه د بهرنیو ځواکونو له وتلو وروسته په دغه هېواد کې پر پېښو ترهګریزو ګواښونو سترګې نه پټوي او د ترهګرۍ مخنیوي او دغو ګواښونو پر وړاندې به لازم اقدامات وکړي.
د افغان دولت او ترکمنستان هېواد یو ګډ پلاوی پر اوو مهمو موضوعاتو بحث کوي. دا غونډه نن په هرات کې د دواړو هېوادونو د بهرنیو چارو وزیرانو په مشرتابه پیل او دوه ورځې به دوام وکړي.
د عامې روغتیا وزارت وايي چې په تېره یوه شپه او ورځ کې ۴۱ کسان چې پر کورونا اخته وو، مړه شوي او ۱۲۷۳ نور پرې اخته شوي دي. تازه پېښې د درې زره او ۳۴۶ شکمنو کسانو له کتلو ترلاسه شوې دي.
د رسمي شمېرو له مخې، د کورونا له کبله د مړینې تازه شمېرې په هېواد کې د کورونا ویروس له خپرېدو راهیسې تر ټولو لوړې هغه دي.
د امریکا د بهرنیو چارو وزیر انټوني بلېنکن وايي چې هېواد یې له افغانستان سره شاوخوا ۲۶۶ میلیونه ډالره مرسته کوي. نوموړي پرون پر خپل ټویټر لیکلي چې یادې مرستې به د افغانستان له نړیوالو بشردوستانه شریکانو سره همکاري وکړي، څو د شاوخوا ۱۸ میلیونه اړمنو افغانانو، په تېره بېځایه شویو لاسنیوی وکړي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون