د عامې روغتیا وزارت وايي چې په تېره یوه شپه او ورځ کې ۴۱ کسان چې پر کورونا اخته وو، مړه شوي او ۱۲۷۳ نور پرې اخته شوي دي. تازه پېښې د درې زره او ۳۴۶ شکمنو کسانو له کتلو ترلاسه شوې دي.
د رسمي شمېرو له مخې، د کورونا له کبله د مړینې تازه شمېرې په هېواد کې د کورونا ویروس له خپرېدو راهیسې تر ټولو لوړې هغه دي.
د امریکا د بهرنیو چارو وزیر انټوني بلېنکن وايي چې هېواد یې له افغانستان سره شاوخوا ۲۶۶ میلیونه ډالره مرسته کوي. نوموړي پرون پر خپل ټویټر لیکلي چې یادې مرستې به د افغانستان له نړیوالو بشردوستانه شریکانو سره همکاري وکړي، څو د شاوخوا ۱۸ میلیونه اړمنو افغانانو، په تېره بېځایه شویو لاسنیوی وکړي.
له افغانستان څخه د بهرنیو ځواکونو له وتو سره هممهاله د ناټو سر منشي ینس سټولټنبرګ ویلي چې د دغه سازمان غړي هېوادونه به له کابل څخه خپل ملکي حضور ته دوام ورکوي او د افغان امنیتي ځواکونو د ځان بسیاینې او وړتیاوو لوړولو په برخه کې به له دوی سره همکاري کوي. پرون سه شنبه په بروکسیل کې ینس سټولټنبرګ یوې خبري غونډې ته وویل چې له افغانستان څخه د بهرنیو ځواکونو وتل، له دغه هېواد سره د اړیکو د پرېکون په معنا نه دی.
د امریکا د پوځ مرکزي قومندانۍ یا «سنتکام» وایي، له افغانستان څخه د بهرنیو ځواکونو او نظامي تجهیراتو د اېستلو لړۍ له ۳۰ تر ۴۴سلنې پورې بشپړه شوې ده. د امریکا د مرکزي قومندانۍ په وینا، دغه شمېر امریکایي سرتېري او نظامي تجهیزات له افغانستان څخه په مسوولانه او خوندي توګه اېستل شوي دي.
د امریکا د ګډو ځواکونو لوی درستیز وايي، هېواد یې تر سپټمبر میاشتې پورې له افغانستانه د خپلو ځواکونو له را اېستلو مخکې د هغو افغانانو د را اېستلو پر پروګرام کار کوي چې له امریکايي سرتېرو سره یې کار کړی دی.
د هغه په وینا، اوس هغه کسان چې د امریکا لپاره یې کار کړی، د طالبانو د بریدونو له ګواښ سره مخامخ دي.
د افغانستان د ملي امنیت سلاکار حمدالله محب د امریکا د ملي امنیت سلاکار جېک سالیوان سره ټیلیفوني خبرې کړې دي.
د ملي امنیت شورا په یوه خبرپاڼه کې لیکلي چې په یادو ټیلیفوني خبرو کې چې پرون وشوې، دواړو لوریو د امنیتي او ترهګرۍ ضد همکاریو په اړه بحث کړی دی.
د عامې روغتیا وزارت وايي چې په تېرو څلېرویشت ساعتونو کې یې د ۳ زره او ۱۸۸ شکمنو کسانو نمونې کتلي چې له ډلې یې د ۶۲۳ هغو پایلې مثبتې ختلې دي. د دغه وزارت په وینا، په یاده موده کې ۱۴ نور کسان چې پر کورونا اخته وو، مړه شوي دي.
د عامې روغتیا وزارت وايي چې په تېرو ۲۴ ساعتونو کې ۲۴ کسان د کورونا له کبله مړه شوي او ۶۲۸ نور پرې اخته شوي دي.
د دغه وزارت د معلوماتو له مخې، په یاده موده کې یې دوه زره او ۶۴۷ کسان چې د کورونا شک پرې کېده، کتلي چې له ډلې یاد شمېر پر دغه ویروس اخته شوي دي.
د عامې روغتیا وزارت وايي چې په تېره یوه شپه او ورځ کې یې د ۲ زره او ۶۳۲ کسانو نمونې چې د کورونا شک پرې کېده، کتلې دي. د دغه وزارت د معلوماتو له مخې، په دې موده کې ۱۰ کسان د کورونا له کبله مړه شوي او ۵۴۷ نور پرې اخته شوي دي. تازه شمېرې چې په ۱۹ ولایتونو کې ثبت شوي، په وروستیو میاشتو کې تر ټولو لوړې هغه دي.
افغان دولت له افغانستانه د ناټو د ملاتړ دوام هرکلی وکړ.
د بهرنیو چارو وزارت نن په یوه خبرپاڼه کې لیکلي چې افغان دولت د ناټو د هغې اعلامیې هرکلی کوي چې له مخې به یې دغه سازمان خپلو سرتېرو له اېستلو وروسته هم د افغانستان، په تېره د افغان ځواکونو ملاتړ ته دوام ورکوي.
په دې وروستیو کې د پاکستان د بهرنیو چارو وزیر شاه محمود قریشي د دې هیواد پارلمان ته د وینا پرمهال ویلي چې له افغان ولسمشر محمد اشرف غني څخه یې پوښتي چې ولې دغه حکومت له یوې خوا له پاکستان څخه مرسته غواړي او له بل پلوه پر دغه هېواد ناوړه تورونه لګوي او د پاکستاني چارواکو پر وړاندې ناسمې څرګندونې کوي. خو یوشمېر افغان سیاسي شنونکي په دې باور دي چې د دواړو هېوادونو چارواکو ترمنځ اړیکې د بل هر وخت په پرتله ښې دي او دوی د ولس تېر اېستلو لپاره د پردې ترشاه ښې اړیکې لري، خو په عمل کې بل څه په ډاګه کوي.
د عامې روغتیا وزارت د خبر له مخې په تېره یوه شپه او ورځ کې پر کورونا ویرووس د شکمنو کسانو ۱زرو او ۸۰۹ پېښې یې کتلي دي چې ۳۰۳ هغه یې مثبتې ختلي او په موده کې بیا له دې ناروغۍ څخه ۱۱ کسان مړه شوي دي.
پر کورونا ویرووس د اخته کسانو تازه شمېرې په ۲۲ ولایتونو کې ثبت شوي چې ورسره په یوه شپه او ورځ کې له دې وبا څخه ۱۰۸ناروغان بېرته رغېدلي دي.
د عامې روغتیا وزارت وايي چې په تېرو څلېرویشت ساعتونو کې یې د ۱۴۰۲ کسانو نمونې چې د کورونا شک پرې کېده، کتلې دي. د دغه وزارت په وینا، په یاده موده کې ۳ کسان چې پر کورونا اخته وو، مړه شوي او ۱۱۴ نور پرې اخته شوي دي.
د عامې روغتیا وزارت وايي چې په تېره یوه شپه او ورځ کې یې د کورونا ۵۶۶ شکمنې نمونې کتلي چې د ۷۰ هغو پایلې مثبتې ختلې دي. د دغه وزارت په وینا، په یاده موده کې ۶ کسان چې پر کورونا اخته وو، مړه شوي دي.
د روغتیا وزارت د شمېرو له مخې، هېواد کې د کورونا ویروس له پیل راهیسې ۴۲۸ زره او ۹۵۶ کسانو ټېسټونه کړي چې له ډلې یې ۶۳ زره او ۴۱۹ هغه پر دغه ویروس اخته شوي او ۲ زره او ۷۳۶ نور یې بیا بېرته ښه شوي دي.
که څه هم طالبانو تراوسه په استانبول ناسته کې د ګډون په اړه څه نه دي ویلي، خو امریکا، ترکیې او نورو ښکېلو اړخونو د دې ناستې د جوړېدو لپاره هڅې ګړندۍ کړې دي.
د افغان سولې لپاره د استانبول ناسته چې تمه وه په تېره میلادي میاشت کې جوړه شي، د طالبانو نه ګډون د دې ناستې کوربانه اړ کړل چې ویې ځنډوي.
د ناټو عمومي منشي ینس سټولټنبرک وایي، له افغانستانه د غوڅ ملاتړ ماموریت د وتلو لړۍ پېل شوي او وتل یې له افغانستان سره د اړیکو د پای په مانا نه ده.
سټولټنبرک دغه څرګندونې پرون د اروپایي ټولنې د دفاع وزیرانو په ناسته کې وکړې. نوموړي ټيڼګار وکړ چې د ناټو غړي هېوادونه په دې اړه په سلاه مشورو بوخت دي چې څنګه کولای شي د امنیتي ځواکونو د مالي او رونیز ملاتړ له لارې له افغانستان سره خپلو اړیکو او ملاتړ ته دوام ورکړي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
