د امریکا د ګډو ځواکونو لوی درستیز وايي، هېواد یې تر سپټمبر میاشتې پورې له افغانستانه د خپلو ځواکونو له را اېستلو مخکې د هغو افغانانو د را اېستلو پر پروګرام کار کوي چې له امریکايي سرتېرو سره یې کار کړی دی. د هغه په وینا، اوس هغه کسان چې د امریکا لپاره یې کار کړی، د طالبانو د بریدونو له ګواښ سره مخامخ دي.

د سلام‌وطندار پښتو فېسبوک‌پاڼه وڅارئ

د یوه ځانګړي پروګرام له مخې، شاوخوا ۱۸ زره افغانانو امریکا ته د کډوالۍ غوښتنلیکونه ورکړي، خو د هغوی د اېستلو لړۍ ولاړه ده او یادو کسانو د ویزو لپاره کلونه انتظار ايستی دی.

مارک مېلي زیاته کړې: «د دې موضوع په اړه ډاډ ترلاسه کول یوه مهمه دنده چې موږ هغوی ته ژمن پاتې شوو او د ساتنې لپاره یې لازم اقدامات وکړو. که اړتیا یې لرله، له افغانستانه یې را وباسو. دا هغه څه دي چې هغوی یې غواړي.»



د امریکا د ګډو ځواکونو لوی درستیز د دغه هېواد د بهرنیو چارو وزارت څارنې ته هم اشاره کړې، خو په اړه یې ډېر جزیات نه دي ورکړي. د هغو افغانانو لپاره د کډوالۍ ویزو د ورکړةې پروګرام له یوې لسیزې وړاندې پیل شو. هغه مهال ویل شوي چې ټاکل شوې د دغه پروګرام له لارې ۲۶ زره او ۵۰۰ افغانانون ته ویزې ورکړل شي.

دا په داسې حال کې ده چې د امریکا ولسمشر جو بایډن د روان کال د وري میاشتې په ۲۵مه اعلان وکړ چې د سپټمبر تر یوولسمې به خپل ټول ځواکونه له افغانستانه وباسي. د معلوماتو پر بنسټ، اوس د بهرنیو ځواکونو د وتلو لړۍ شاوخوا شل سلنه بشپړه شوې ده.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام