د دایکندي محلي مسوولان وايي چې د دغه ولایت په شهرستان ولسوالي کې یو کس د اوبو پر سر د شخړې له کبله وژل شوی دی.
د دایکندي د امنیې قومنداني د رسنیو دفتر په یوې خبرپاڼه کې ویلي چې پېښه د شهرستان ولسوالي په «اوري مزار اوزموګ» کلي کې پرون ماښام د محمدرضا او رحمتالله په نوم د دوو کسانو ترمنځ شوې ده.
په خبرپاڼه کې ویل شوي چې د شخړې له امله محمدرضا د چړې په وسیله رحمتالله نومی کس وژلی او له سیمې تښتېدلی دی.
د سلاموطندار پښتو برخه دلته وڅارئ
د یادونې وړ ده چې د دایکندي اوسېدونکي په دې وروستیو کلونو کې د اوبو کمښت او وچکالۍ سره مخ دي چې وخت ناوخت د کورنیو او بزګرانو ترمنځ د اوبو پر سر شخړې رامنځته کېږي.
