د روزګان د اطلاعات او فرهنګ ریاست مسوولان وايي چې د دغه ولایت په چهارچینو ولسوالي کي یې د یوه کس له کوره، لسګونه تاریخي اثار موندلي دي.
د یاد ولایت د اطلاعات او فرهنګ ریاست د فرهنګ او ګرځندوی امر محمدافضل سید سلاموطندار ته وویل چې دغه اثار یې، له ډېرو هڅو وروسته موندلي او تر څېړنیو وروسته به یې تاریخي مخینه معلومه کړي.
د میدان وردګ امنیتي مسوولان وايي چې دغه ولایت بېګاه شپه یوه عمر خوړلي کس ځانوژنه کړې ده. پېښه د دغه ولایت د سیداباد ولسوالي د نخي درې اړوند «کوډۍ» کلي کې رامنځته شوې ده.
د میدان وردګ د امنیې قومنداني له لوري سلاموطندار ته په رالېږل شوې خبرپاڼه کې ویل شوي چې دغه کس شاوخوا ۷۰کاله عمر درلود او خپل ځان یې زندۍ کړی دی.
د روزګان محلي مسوولان وايي چې د دغه ولایت په مرکز ترینکوټ ښار اړوند سیمه کې د یوه کس جسد موندل شوی دی.
د روزګان د امنیې قومنداني ویاند مولوي سعدالله ذاهد سلاموطندار ته ویلي چې د یاد کس جسد یې د مرکز ترینکوټ ښار اړوند «سېناڼو» کلي کې د یوه کور په مېلمستون «مهمانخانه» کې پیدا کړی دی.
د پروان امنیتي مسوولان وايي چې د دغه ولایت په جبلالسراج ولسوالي کې ناپېژنده وسلهوالو یو کس وژلی دی.
د پروان د امنیې قومنداني ویاند محمدکامران حبیبي د یاد خبر د تایید ترڅنګ سلاموطندار ته ویلي، بېګاه شپه ۸:۳۰ د جبلالسراج ولسوالي اړوند ګلبهار کلي کې د ناپېژنده وسلهوالو لهخوا یو کس وژل شوی دی.
د غزني امنیتي مسوولان تاییدوي چې دغه ولایت کې یوه کس په خپل موټر کې ځان ته اور اچولی او وژلی دی.
په ټایلنډ کې رسنۍ وايي، د دغه هېواد په پلازمېنه بنګاک کې یوه وسلهوال کس د ماشومانو د ساتنې پر یوه مرکز برید کړی او د ماشومانو او لویانو په ګډون یې ۳۴ کسان وژلي دي.
د پاکستان لومړي وزیر شهباز شریف له ګارډین ورځپاڼې سره په یوې مرکه کې د تحریک انصاف ګوند مشر او د دغه هېواد مخکینی لومړی وزیر عمران خان د ځمکې پرمخ تر ټولو لوی درواغجن کس بللی دی.
د دایکندي محلي مسوولان وايي چې د دغه ولایت په شهرستان ولسوالي کې یو کس د اوبو پر سر د شخړې له کبله وژل شوی دی.
د غور امنیتي مسوولان وايي چې د دغه ولایت د تیورې ولسوالي په «کچوی نیلي» کلي کې د دوو کورنیو ترمنځ د ماشومانو پر سر د رامنځته شوې شخړې له امله یو کس وژل شوی دی.
د لوګر ولایت د خروار ولسوالي اوسېدونکي وایي چې پرون د دغې ولسوالي په پنج پای سیمه کې یو کس خپل مور وژلې او خپله مېرمن یې ټپي کړې ده.
د ننګرهار ولایت امنیتي چارواکي وايي چې د دې ولایت د کامې ولسوالي اړوند د «ترۍ» سیمې په سیند کې د يوه کس جسد موندل شوى دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
