د کولمبیا په امازون ځنګل کې د یوې کوچنۍ الوتکې له لوېدو ۴۰ ورځې وروسته څلور ماشومان ژوندي موندل شوي دي.
د کولمبیا پوځ او د سیمې اوسېدونکو دغه ماشومان د کاکویټا او ګوویر ولایتونو ترمنځ په امازون ځنګل کې له څه باندې پنځو اوونیو وروسته موندلي دي.
د لوګر د مرکزي روغتون مسوولان وایي چې پرون یکشنبه د وري ۲۶مه په «نائب امینالله خان لوګري» روغتون کې یوې مور څلور ماشومان زېږولي دي.
د لوګر د مرکزي روغتون رییس ډاکتر صدیقالله سلاموطندار ته ویلي چې د برهکي برک ولسوالي د شاه مزار سیمې یوې مور په یو ځل څلور ماشومان زېږولي دي.
تخار کې ولسي سرچینې وايي چې د دغه ولایت د هزارسموچ ولسوالي اړوند «کورقدوق» کلي کې د یوه پیکپ موټر د چپهکېدو له امله یو کس مړ شوی او پنځه ټپیان دي.
د تخار د ولایت مقام مطبوعاتي دفتر هم په یوې خبرپاڼه کې ویلي چې پېښه پرون چهارشنبه ماښام د دې ولایت هزارسموچ ولسوالي کې رامنځته شوې چې پرمهال یې یو کس مړ او څلور ټپیان شوي دي.
د دایکندي د استخباراتو ریاست مسوولان وايي چې داعش ډله کې د غړیتوب په تور یې دغه ولایت کې پنځه کسان نیولي دي.
د کندوز محلي مسوولان وايي چې په دغه ولایت کې د یوې ټرافیکي پېښې له امله یو کس مړ شوی او څلور نور ټپیان دي.
د دایکندي محلي مسوولان وايي چې د دغه ولایت په شهرستان ولسوالي کې یو کس د اوبو پر سر د شخړې له کبله وژل شوی دی.
دغه ټرافیکي پېښه نن سهار د اندخوی ولسوالي او شبرغان ښار پر لویه لاره رامنځته شوې ده.
د کابل د دیارلسمې امنیتي حوزې امنیتي مسوولان وايي چې د دغه حوزې اړوند سیمه کې د شوې چاودنې له امله د ا.ا د دوو ځواکونو په ګډون څلور کسان ټپیان شوي دي.
د لوګر د امنیې قومنداني مسوولان وایي چې پرون مازدیګر د «برهکي برک» ولسوالي په «نواباد» کلي کې د هاوان مرمۍ د سرګلولې د چاودنې له امله څلور ماشومان ټپيان شوي دي.
په خوست کې یوې سرچینې ویلي، بېګاه شپه د شویو بارانونو له امله سېلابونه راوتلي چې پرمهال یې د یوې کورنۍ د دوو ماشومانو په ګډون څلور کسان مړه شوي دي. بلخوا د یادو کسانو د کورنۍ یوه غړي سلاموطندار ته ویلي چې بېګاه شپه یې د کورنۍ څلور غړي سېلاب وړي او مړه شوي دي.
د اسلامي امارت ویاند ذبیح الله مجاهد پر خپله ټویټر پاڼه لیکلي چې کابل ښار کې د اسلامي امارت د ځواکونو او (داعش) ډلې پورې د اړوند وسله والو کسانو ترمنځ جګړه پای ته رسېدلې ده.
د زابل محلي مسوولان وايي چې د دغه ولایت په اړوند سیمه کې د یوې سراچه ډوله او ټېلر موټر د ټکر له امله څلور کسان مړه شوي او یو ماشوم ټپي دی.
د شپږیزې کرېکټ لیګ په روانو سیالیو کې نن له غرمې مخکې بُست ساتونکي لوبډلې د میسعینک نایډز پروړاندې لوبه وکړه چې دغه سیالي یې د څلور منډو په توپیر وګټله.
وروسته له هغې چې په ایران کې د افغان کډوالو د زورونې او او زورزیاتي په غبرګون کې د هېواد په یوشمېر ولایتونو کې اعتراضونه وشول، د کډوالو چارو وزارت مسوولان د افغان کډوالو د ستونزو هواري په موخه د څلور اړخیزې ناستې له جوړېدو خبر ورکوي. د یاد وزارت په وینا، د دې غونډې هدف دا دی چې د افغان کډوالو پر ستونزو خبرې وشي او حللاره ورته وموندل شي.
په جوزجان کې د اسلامي امارت امنیتي مسوولان وايي چې د دغه ولایت د مرکز اړوند د دویمې امنیتي حوزې د امنیتي ځواکونو له لوري د « ۱۳۰ واده شویو مېرمنو» د خرڅلاو او غلا په تور پنځه کسان نیول شوې دي. د جوزجان ولایت یوشمېر اوسېدونکي د اسلامي امارت دغه کار ستايي او هغه د جنايي جرمونو په راکمولو کې ګټور بولي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
