تخار کې ولسي سرچینې وايي چې د دغه ولایت د هزارسموچ ولسوالي اړوند «کورقدوق» کلي کې د یوه پیکپ موټر د چپهکېدو له امله یو کس مړ شوی او پنځه ټپیان دي.
د تخار د ولایت مقام مطبوعاتي دفتر هم په یوې خبرپاڼه کې ویلي چې پېښه پرون چهارشنبه ماښام د دې ولایت هزارسموچ ولسوالي کې رامنځته شوې چې پرمهال یې یو کس مړ او څلور ټپیان شوي دي.
د سلاموطندار پښتو فېسبوکپاڼه وڅارئ
د خبرپاڼې پربنسټ، د پېښې ټپیان د اسلامي امارت د ځواکونو له لوري د تخار ولایتي روغتون ته لېږل شوي. مسوولان همداراز وايي چې یاده ټرافیکي پېښه د موټر چلوونکي د بېاحتیاطۍ له کبله رامنځته شوې ده.
خبرپاڼه کې همداراز ویل شوي چې کال وړاندې هم په همدسې سیمه کې د موټر چلوونکي د بېاحتیاطۍ له کبله د یوه مسافر وړونکي موټر د چپهکېدو په پېښه کې یوشمېر کسان مړه او ټپیان شوي وو.
د یادونې وړ ده چې په دې وروستیو ورځو کې د هېواد په بېلابېلو ولایتونو کې ټرافیکي پېښې زیاتې شوي دي. د موټر چلوونکو بېاحتیاطي او د لارو خرابوالی افغانستان کې د ټرافیکي پېښو له اصلي لاملونو ګڼل کېږي.
