د دایکندي د استخباراتو ریاست مسوولان وايي چې داعش ډله کې د غړیتوب په تور یې دغه ولایت کې پنځه کسان نیولي دي.
د دایکندي د استخباراتو رییس عبیدالله فیضاني د یاد ولایت محلي رسنیو ته ویلي چې په نیول شویو کې څلور یې د دایکندي د «امر بالمعروف او نهې عنالمنکر» ریاست محتسبان دي چې تازه دغه ولایت کې ګومارل شوي وو او یو بل کس د یوه خیریه بنسټ کارکوونکی دی.
د فیضاني په وینا، د څېړنو په پایله کې څلور کسانو داعش ډله کې خپل غړیتوب منلی او له پنځم کس څخه هم څېړنې روانې دي.
د سلاموطندار ټوېټرپاڼه هم وڅارئ
نوموړی زیاتوي چې دغه کسان د لغمان او ننګرهار ولایتونو اصلي اوسېدونکي دي.
