د ا.ا د استخباراتو مسوولانو ویلي چې د اسلامي دولت نومي ډلې یا داعش یو مهم غړی یې وژلی دی.
باختر خبري اژانس پر خپله ټوېټرپاڼه لیکلي چې پرون په فراه ولایت کې د استخباراتو د ځواکونو په عملیاتو کې د «خوارجو» یو مهم غړی وژل شوی دی.
ا.ا د «خوارجو» کلیمه د داعش ډلې اړوند کسانو ته کاروي. د باختر اژانس د ټويټ له مخې، په دغو عملیاتو کې د اسلامي دولت نومې ډلې له یوه پټنځای څخه یوه اندازه مهمات هم ترلاسه شوي دي.
سلاموطندار پر ټویټر هم وڅارئ
باختر همداراز لیکلي چې په دغو عملیاتو کې د ا.ا ځواکونو ته زیان نه دی اوښتی او نه هم تراوسه داعش ډلې په دې اړه څه ویلي دي.
