د فراه او زابل محلي مسوولان وايي چې یادو ولایتونو کې د ټرافیکي پېښو له امله څلور کسان مړه او ۱۴ نور ټپیان شوې دي.
د فراه د امنیې قومنداني ویاند محمدنسیم بدري سلاموطندار ته وايي چې د دغه ولایت په فراهرود ولسوالي کې د یوې ټرافیکي پېښې له امله درې کسان مړه او شپږ نور ټپیان شوي دي.
فراه کې امنیتي مسوولان وايي چې دغه ولایت کې یوه ځوان ځانوژنه کړې ده. پېښه پرون سهشنبه د کب ۲۳مه د یاد ولایت د شیبکوه ولسوالي اړوند «کاریز مردان» کلي کې رامنځته شوې ده.
د فراه امنیه قومانداني په دغه ولایت کې د هاوان یوې ناچاودې مرمۍ د چاودنې له کبله د درې ماشومانو د وژل کېدو خبر ورکوي.
د ا.ا د استخباراتو مسوولانو ویلي چې د اسلامي دولت نومي ډلې یا داعش یو مهم غړی یې وژلی دی.
د فراه امنیتي مسوولان وايي، یوې ښځې بېګاه د دغه ولایت د خاک سفید ولسوالي په «محلخان» سیمه کې خپل خُسر په بستره کې وژلی دی. وژل شوی کس دینمحمد نومېږي.
د خاک سفید ولسوال مخلص اغا سلاموطندار ته ویلي، امنیتي مسوولان د پېښې ځای ته ورغلي او هغه ښځه یې نیولې چې خپل خُسر یې وژلی دی.
فراه کې د «فریدون کلا» د دغه ولایت له لرغونو ځایونو څخه شمېرل کېږي چې نږدې ۲۰۰۰ کاله تاریخ لري او د افغانستان او ایران په جغرافیه کې د لرغوني سیستان ښکارندويي کوي.
د فراه يو شمېر اوسېدونکي او سيمهييز مسوولان په دغه ولايت کې د خُرما د ونو د روزلو او د زياتوالي خبر ورکوي. دوی وايي، د فراه اقلیم د خرما د ونو د کېنولو لپاره ښه دی او په وروستیو کلونو کې په دغه ولایت کې د خُرما لسګونه باغونه جوړ شوي دي.
د فراه امنیتي مسوولان او د دغه ولایت ځیني سیمهییزې سرچینې سلام وطندار ته وایي چې دغه ټرافیکي پېښه نن سهار د هرات- فراه پر لویه لار د فراه ولایت د خاک سفید ولسوالي د شوز په کلي کې رامنځته شوې ده.
د فراه د مرکزي زندان مسوولان وايي چې څلور مياشتې مخکې له فراه ښار څخه پر نشهيي توکو اخته ۹۰ کسان راټول او د درملنې په موخه يې د دغه ولایت مرکزي زندان ته انتقال کړي وو چې له درملنې وروسته پرون د محلي مسوولان په شتون کې له زندانه ازدول شول.
فاطمه محمدي چې د فراه ولایت اړوند په یوه ښوونځي کې ښوونکې ده. ۱۶ کاله کېږي چې د یاد ولایت په ښوونځیو کې د ښوونکې په توګه دنده ترسره کوي. فاطمه د اسلامي امارت تر راتګ وروسته او د څو میاشتو معاشونو د نه ترلاسه کولو له امله اړ شوه چې د خیاطۍ یوه کارخونه جوړه او په فعالیت پیل وکړي.
په فراه کې د روږدو کسانو د درملنې د ۱۰۰ بستریز روغتون مسوول عبدالودود نیازی سلاموطندار ته وايي چې دوی د ناروغانو د زیاتېدو، د ځای، درملو او خوراکي توکو د کموالي له امله له ګڼو ستونزو سره لاس او ګرېوان دي. د نیازي په وینا، دوی خپلې ستونزې له محلي او مرکزي چارواکو سره شریکي کړي او هڅه کوي چې ورته رسېدنه وکړي.
په فراه ولایت کې هره ورځ په سلګونه کسان د دغه ولایت مرکز او د لرو پرتو سیمو روغتیايي مرکزونو ته د کورونا ویرووس ضد واکسین ترلاسه کولو لپاره ورځي. د فراه اوسېدونکي له ټولو خلکو غواړي چې خپلې روغتیا ته پام وکړي او کورونا ویرووس ضد واکسین ترلاسه کړي.
لوږې او بېوزلۍ د فراه ولایت په لرې پرتو سیمو کې لسګونه کورنۍ اړ کړي چې د دغه ولایت مرکز ته را کډه شي او د یوې مړۍ ډوډۍ موندلو لپاره هره دروازه وټکوي.
د فراه یو اوسېدونکی عبدالقادر د دغو کورنیو له ډلې د یوې هغې غړی دی چې د بېوزلۍ او ناچارۍ له کبله سختې شپې او ورځې تېروي. دغه کورنۍ بیړنیو بشردوستانه مرستو ته اړتیا لري. هغه وايي، څلور بچیان لري او هرې مرستندویې ادارې ته چې ورغلی، څه یې لاس ته نه دي ورغلي.
په ولسي جرګه کې د فراه استازي همایون شهیدزاده سلاموطندار ته ویلي چې د دغه ولایت والي مسعود بختور او ښاروال بېګاه له شاوخوا ۱۰۰ سرتېرو او ولسي پاڅونوالو سره طالبانو ته تسلیم شوي او ورسره هممهاله د ملي اردو دویمه لوا چې له دوو ورځو راهیسې کلابنده وه، د طالبانو لاس ته ورغلې ده.
په فراه کې یوه امنیتي سرچینه سلاموطندار ته وایي چې پرون له غرمې وروسته د فراه ښار اړوند په «شپلکوه» سیمه کې د وسلهوالو طالبانو یوه نفوذي کس د یوې پوستې ۷ پولیس وژلي دي. د سرچینې په وینا، د وسلهوالو طالبانو دغه نفوذي کس د اوو پولیسو له وژلو وروسته، د پوستې ټول پوځي تجهیزات او وسلې له ځان سره وړي او وسلهوالو طالبانو سره یوځای شوی دی.
د غبرګولي میاشتې په ۲۳مه د فراه ولایت لاشاو جوین ولسوالي له درې ورځې کلابندۍ وروسته د طالبانو له لوري ونیول شوه، یوه ورځ وروسته طالبانو پر انار درې هم ولکه وکړه. د انار درې په شمال کې د کلابندو سرتېرو د مرګژوبلې د مخنیوي په پار پشتکوه ولسوالي د فراه ښار ته ولېږدېده او دغه درې ولسوالۍ د طالبانو لاس ته ورغلې.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
