کرنې وزارت: سږکال مو هېواد کې ۵۰۰ لوی او واړه چکډېمونه جوړ کړي

 د لوګر مرکز پل‌علم کې د کرنې ریاست له لوري جوړه شوې یوې غونډې ته د کرنې او مالدارۍ وزارت سرپرست عطاء‌الله عمري وویل چې د تېر یوه کال په ترڅ کې د ځمکې لاندې اوبو زیاتېدو او خوندیتوب په موخه ۵۰۰ لوي او واړه چکډېمونه جوړ کړي دي.

پنځو نړیوالو سازمانونو په افغانستان کې د وچکالۍ د دوام خبرداری ورکړ

پروان کې یو کروندګر قدیر وايي، په دغه ولایت کې کرنه او باغداري د وچکالۍ له کبله ډېره زیانمنه شوې ده. د هغه په وینا: «که وچکالي دوام ومومي، خلک له لوږې سره مخامخ کېږي او د کروندو له لارې ښه عاید نه‌شي ترلاسه کولای.» د کابل اوسېدونکی راشد هم وايي چې ځمکه یې د دوامدارې وچکالۍ له امله یو ځل هم حاصل نه ورکوي.

د هلمند ګرمسېر ولسوالي کې د «اوبو رسونې پروژه» ګټې‌اخیستنې ته وسپارل شوه

د هلمند محلي مسوولان وايي چې د دغه ولایت ګرمسېر ولسوالي کې د پاکو اوبو رسونې یوه پروژه بشپړه او ګټې‌‌اخیستنې ته وسپارل شوه.

په دې اړه جوړو شویو مراسمو کې د کليو بیارغونې او پراختیا ریاست استازي محمدنبي، د یونېسف نړیوال سازمان ولایتي مسوول ډاکټر محمدذکریا اینوا او یو‌شمېر نورو چارواکو هم ګډون کړی وو.

د سپین‌بولدک اوسېدونکي: که د اوبو ستونزه حل نه‌شي، اړ یو خپل کورونه پرېږدو

د سپین‌بولدک ولسوالي اوسېدونکي شکایت کوي چې د څښاک ښاکو اوبو ته لاسرسی نه‌لري چې دې چارې یې ژوند سخت کړی دی.

د یادې ولسوالي اوسېدونکي سلام‌وطندار ته وايي چې د ژورو څاګانو د کېندنې توان نه‌لري او هغه کسان چې ټانکرو کې اوبه راوړي، پر خلکو یې په لوړه بیه یې پلوري.

چمن کې یو‌شمېر افغان کډوال د تندې او لوږې له امله بې‌هوښه شوي

افغان کډوال وايي چې د ډیورنډ کرښې پاکستاني لوري ته یو‌شمېر کډوال د خوړو او اوبو کمښت له امله بې‌هوښه شوي دي.

د حکمت‌الله په نوم یوه افغان کډوال سلام‌وطندار ته ویلي چې له تېرو څو ورځو راهیسې چمن کې ولاړ افغان کډوالو ته اجازه نه‌ورکول کېږي چې

د کابل پر سړکونو د اوبو ډنډونه؛ خلک: کراچي‌وانانو ته پیسې ورکوو چې له اوبو مو تېر کړي

د کابل ښار د بېلابېلو برخو، لکه د ملي‌بس څلورلارې، د دهن‌باغ څلورلارې، د هوايي ډګر څلوېښت متره سړک، د شاه‌شهید واټ او کارته‌نو اوسېدونکي وايي، په ښار کې د پرون بېګاه بارانونو له کبله ویالې تړل شوي او اوبه کوڅو او سړکونو ته راوتلي او د خلکو او موټرو د تګ‌راتګ مخه یې بنده کړې ده. دوی له مسوولانو غواړي چې دا ستونزه حل کړي.

بدخشان کې څلور ځوانې نجونې اوبو وړي

د بدخشان د امنیې قومانداني مسوولان وايي چې څلور نجونې پرون (د وږي ۲۵مه، د شنبې ورځ) د دغه ولایت د مایمي ولسوالي په «تنګ شېوه» سیمه کې اوبو ډوبې کړې دي.

د فاریاب یوه کلي کې د اوبو کمښت؛ «اته میاشتې کېږي اوبه نه‌لرو»

هېواد کې د څلورم پرله‌پسې کال لپاره د وچکالۍ دوام لامل شوی چې ګڼ‌شمېر ولایتونو کې خلک د څښاک پاکو اوبو له کمښت سره مخ شي.

د نورو ولایتونو په څېر د فاریاب میمنې ښار «دمقول» کلي اوسېدونکي هم له تېرو اتو میاشتو راهیسې له دغه وضعیت سره لاس او ګرېوان دي.

عبداللطیف منصور: د نورو هېوادونو د حق‌ابې تامینول ستونزې لري

د اوبو او انرژۍ وزارت سرپرست عبدالطیف منصور پکتیا ته د خپل سفر پرمهال سلام‌وطندار ته ویلي چې هېواد کې روانې وچکالۍ او اقلیمي بدلون اغېزو ته په پام اوسنیو شرایطو کې د نورو هېوادونو د حق‌ابې تامینول ستونزمن کار دی. هغه وویل: «اوسنیو شرایطو کې د نورو هېوادونو د حق‌ابې تامینول مشکلات لري، وچکالي بېخي ډېره زیاته ده.»

د کابل ښار د دیارلسمې ناحیې اوسېدونکي د اوبو له کمښت څخه سر ټکوي

د کابل ښار د دیارلسمې ناحیې اړوند د دشت‌برچي اسیابینې سیمې يوشمېر اوسېدونکي د اوبو له کمښت څخه شکايت کوي او وايي، له شاوخوا دوو کلونو راهيسې د اوبو له کموالي سره مخامخ دي. د دوی په خبره، ډېری کورنۍ د اوبو د کمښت له امله له دې سیمې کډه شوې دي.

سمنګان کې سلګونه کسان پر نس‌ناستې ناروغي اخته شوي

د سمنګان د ولایتي روغتون مسوولان وایي، په دغه ولایت کې پر نس‌ناستې ناروغي سلګونه کسان اخته شوي دي.
د سمنګان د ولايتي روغتون رييس سيدعثمان حميدي وايي، په تېرو دوو اوونيو کې دغه روغتون ته پر نس‌ناستې ناروغي ١٥٠٩ اخته کسان ورغلي چې یوشمېر یې له درملنې وروسته بېرته کورونو ته تللي دي.

د اوبو پر سر د ا.ا او ایران ناندرۍ؛ دواړه لوري یې په اړه غونډه جوړوي

د ایران د ولسمشر مرستیال او د چاپېریال ساتنې سازمان رییس علي سلاجقه د هلمند سیند د حقابې په اړه د دغه هېواد او اسلامي امارت ترمنځ د خبرواترو په موخه د یوې غونډې جوړېدو خبر ورکوي.
ایرنا خبري اژانس راپور ورکړی چې علي سلاجقه پرون (د غبرګولي لومړۍ نېټه، د دوشنبې ورځ) ویلي چې د ایران ولسمشر دې موضوع ته پام اړولی دی.

یوناما: ۶۰سلنه کورنۍ د اوبو کمښت سره مخ دي؛ خلک: حکومت دې یې غم وخوري

په افغانستان کې د ملګروملتونو سیاسي استازولي «یوناما» پر خپله ټوېټرپاڼه لیکلي چې اقلیم بدلون دغه هېواد د اوبو پر سرچینو منفي اغېزې کړي او د څښاک پاکو اوبو ته یې د خلکو لاسرسی ستونزمن کړی دی. د دغه بنسټ په وینا، تېر ۲۰۲۲ میلادي کال کې د هغو کورنیو شمېر چې افغانستان کې د اوبو له کمښت سره مخ وې، ۶۰سلنې ته رسېږي.