د بنګلدېش، پاکستان او نیوزیلنډ ترمنځ د درې اړخیزې لوبلړۍ د شل اووره سیالیو په لړ کې نن نیوزیلنډ لوبډلې پاکستان ته په نهو وېکټو ماته ورکړه.
په دغه سیالي پاکستان لومړی توپوهنه وکړه او په ټاکل شویو شلو اورونو کې یې د ۷ لوبغاړو په سوځېدو نیوزیلنډ ته د ۱۳۱ منډو هدف وټاکه.
په ځواب کې نیوزیلنډ د «فېن الېن» د ۶۲ او د ډېوېډ کانوې د ناسوځېدلو ۴۹ منډو پرمټ د یوه لوبغاړي په سوځېدو د لوبې په ۱۷ اور کې ورکړل شوی هدف ترلاسه او پاکستان ته یې ماته ورکړه.
سبا به د یادې درې اړخیزې لوبلړۍ د سیالیو په لړ کې کوربه نیوزیلنډ له بنګلدېش سره لوبه وکړي.
