د ایران د خاتمالانبیا مرکزي قرارګاه ویاند ابراهیم ذوالفقاري ویلي، د امریکا پوځ د اوربند په نقض سره ایراني بېړۍ او ملکي سیمې په نښه کړي.
هغه ویلي، د ایران وسلهوالو ځواکونو یي هم په غبرګون کې د هرمز تنګي ختیځ او د چابهار بندر سوېل کې د امریکا پر پوځي بېړیو بریدونه کړي او هغو ته یې د پام وړ زیانونه اړولي دي.
ورته وخت کې د ایرانسپاهپاسداران سمندري ځواک ویلي، د امریکا پوځ لهخوا د اوربند د نقض او تېري په تعقیب، د توغندیو او بېپیلوټه الوتکو په وسیله یو پراخ ګډ عملیات ترسره شول چې له امله یې امریکا ته د پام وړ زیانونه واوښتل.
د یاد ځواک په وینا، درې امریکايي جنګي بېړۍ چې د هرمز تنګي په محدوده کې داخلې شوې وې، له برید وروسته په بېړه له سیمې وتلي دي.
دې سره، د امریکا د پوځ مرکزي قومندانۍ یا سنټکام ویلي، «یواېساېس تراکستون»، «یواېساېس میسون» او «یواېساېس رافایل پرالتا» په نوم بېړۍ د هرمز تنګي ختیځ او د چابهار سوېل کې د توغندیو، بېپیلوټه الوتکو او وړو کښتیو په وسیله په نښه شوې دي.