د تخار ولایت د دشت قلعه ولسوالي کروندګر او د کرنې رییس وایي، ملخانو د دغه ولسوالي پر شنو فصلونو یرغل کړی دی. دوی له سلام‌وطندار سره په خبرو کې وویل چې درې اوونۍ وړاندې د امو سیند له هغې غاړې له تاجکستان هېواد څخه ملخانو د تخار ولایت د دشت‌قلعه ولسوالي د کروندګرو پر فصلونو یرغل کړی او د کروندګرو غله‌جات او سبزي یې په بشپړه توګه له منځه وړي دي.

 دوی د اندېښنې پر څرګندولو سره وایي، که د تخار د کرنې ریاست په دغه ولسوالي کې د ملخانو د مخنیوي لپاره درمل ونه شیندي، دغه ملخان به د دشت‌قلعه ولسوالي ته څېرمه پر نورو ولسواليو هم یرغل وکړي او د کروندګرو شنه فصلونه به له منځه یوسي.

د سلام‌وطندار پښتو فېسبوک‌پاڼه وڅارئ

په همدې حال کې د دشت‌قلعه ولسوالي د کرنې مدیر امام‌الدین وایي، د ملخانو د یرغل د کمولو لپاره یې د درملو د شیندلو چارې پیل کړي او تراوسه یې ډېر‌ شمېر ملخان له منځه وړي دي. خو د نوموړي په وینا، که کروندګر او مرستندویه بنسټونه له کرنې وزارت سره د درملو د شیندلو او د ملخانو د له منځه وړلو په برخه کې مرسته ونه کړي کروندګر به ډېر زیان وویني.

 د دشت‌قلعه ولسوالي د تخار ولایت په شمال کې د تاجکستان هېواد له فرخار سیمې سره نږدې پوله لري چې په تېرو کلونو کې هم د حیرتانو،آي خانم، کافرقلعه او د انګورباغ پر کلیو، ملخانو یرغل کړی وو چې د کروندګرو فصلونه یې له منځه وړي وو.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام