له تاوتریخوالي زیانمنې مېرمنې: د میاشتو په تېرېدو مو لاهم قضیې نه‌دي حل شوي

عاقله چې له رنګه زېړه او د ناروغۍ نښې نښانې په‌کې له ورایه ښکاري، د افغانستان سرپرست حکومت سترې محکمه کې د خپلې قضیې د حل پر لټون راوتلې.

له درده ننوتې او له اوښکو وچې سترګې یې پر ما ولګېدې، پر هغې مې سلام‌ کړ، هغې په وېره او غلی راته علیک کړ. له روغ بړ وروسته په دې پوه شوه چې زه خبریاله یم.

د لوګر ورزش‌کاران: المپیک ملي اداره دې ورزش‌کارانو ته اسانتیاوې برابرې کړي

د لوګر  مرکز پل‌علم او یوشمېر ولسوالیو ورزش‌کارانو سلام‌وطندار ته وايي چې اوس له مرکز پل‌علم پرته په هېڅ ولسوالي کې ځوانانو لپاره معیاري لوبغالی شتون نه‌لري او ورزش‌کاران له پراخو ستونزو سره مخ دي.

د میوند اوسېدونکي: یادې ولسوالي کې دې د هرات-کابل سړک برخه ورغول شي

د کندهار میوند ولسوالي اوسېدونکي او هټۍ‌وال په دغه ولسوالي کې د هرات-کابل غځول شوي سړک برخې د جوړېدو غوښتنه کوي.

دوی سلام‌وطندار ته وايي چې د یاد سړک د پراخېدو او جوړېدو لپاره دې ولسوالي کې د خلکو هټۍ هم نړول شوې وې، خو په وینا یې، سړک تراوسه نه‌دی رغول شوی.

کابل کې د پرونۍ چاودنې قربانیان د خپل امنیت د ټینګښت غوښتنه کوي

د کابل ښار په لوېدیځ کې د تېر ماښام چاودنه کې د وژل شوي ۲۶ کلن محمدعلي ریحاني مور معصومه وايي، زوی یې د اته‌کسیزې کورنۍ سرپرست و چې څه موده وړاندې د خپلې کورنۍ د اړتیاوو پوره کولو لپاره اړ شو چې زده‌کړې پرېږدي او کار ته مخه کړي، خو له دې خبر نه و چې چاودنه به پرې کېږي او دی به په‌کې ژوند له لاسه ورکوي.

د ملګرو ملتونو د امنیت شورا پرېکړه‌لیک؛ «د افغانستان لپاره دې ځانګړی استازی وټاکل شي»

د ملګرو ملتونو امنیت شورا د جمعې په ورځ د یوه پرېکړه‌‌لیک په تصویبولو سره د دغه سازمان له سرمنشي څخه غوښتي چې له امنیت شورا سره په مشوره د ا.ا له چارواکو، په افغانستان کې د بشري حقونو له فعالانو او د سیمې هېوادونو له مشرانو سره د لیدنو او خبرواترو په موخه یو ځانګړی استازی وټاکي.

درېوو هېوادونو په کاسا۱۰۰۰ پروژه کې د افغانستان د فعالې ونډې غوښتنه کړې

د تاجکستان، قرغزستان او پاکستان د برښنا وزیرانو د کاپ۲۸مې غونډې په څنډه کې له افغانستان څخه غوښتي چې د برښنا د لېږد په کاسا۱۰۰۰ پروژه کې فعاله ونډه واخلي. دوی په اعلامیه کې لیکلي: «موږ غواړو چې په افغانستان کې د کاسا۱۰۰۰ پروژې کار بیا پیل کړو؛ ځکه د افغانستان له ګډون پرته به دا پروژه خپل ارزښت له لاسه ورکړي.»

د ویانا غونډې ګډونوال م.م ته: سیاسي بدلون ته د لارې تر هوارولو له ا.ا سره تعامل مه کوئ

د ویانا غونډې ګډونوالو له ملګرو ملتونو غوښتي چې له ا.ا سره دې تر هغه تعامل نه ‌کوي چې سیاسي بدلون ته یې لاره نه وي هواره کړې. د ا.ا مخالفو سیاستوالو او د بشري حقونو فعالانو د روانې اوونۍ له یکشنبې تر سه‌شنبې پورې د اتریش په وین ښار کې د یوې غونډې له جوړولو وروسته له ملګرو ملتونو غوښتي چې په افغانستان کې د سیاسي بدلون رامنځته کولو لپاره عملي ګامونه اوچت کړي.

روزا اوتونبایوا: ټول لوري دې د اقلیمي بدلون برخه کې د افغانستان په ګټه کار وکړي

داسې مهال چې په افغانستان کې اقلیمي بدلون د میلیونونو افغانانو پر ژوند منفي اغېزې کړي، د افغانستان لپاره د ملګرو ملتونو د ځانګړې استازولۍ یا یوناما مشرې روزا اوتونبایوا د کاپ۲۸ په نوم د نړۍ اقلیمي بدلون په اته‌ویشتمه غونډه کې ویلي چې ټول لوري باید د اقلیمي بدلون برخه کې له سیاست لرې او په رغوونکې توګه د افغانانو په ګټه کار وکړي.

د سوداګرۍ او پانګونې خونه: د واخان کورېډور دې پرانېستل شي

د افغانستان د سوداګرۍ او پانګونې خونې مسوولانو نن په کابل کې د یوې خبري غونډې پر مهال د واخان دهلېز له لارې له چین سره د مخامخ سوداګریزو اړیکو د پراختیا او د دغه دهلېز له لارې د اروپا بازارونو ته د افغاني توکو د رسېدو غوښتنه وکړه.
د سوداګرۍ او پانګونې خونې لومړي مرستیال یونس مومند وايي، د واخان لارې پرانېستل به د هېواد د اقتصاد د ودې لامل شي.

د چاپېریال ساتنې ادارې سرپرست: بهرني بنسټونه دې د ۳۲ نابشپړو پروژو چارې بیا پیل کړي

د چاپېریال ساتنې ملي ادارې مسوولان له نړیوالې ټولنې غواړي چې د افغانستان په چاپېریال ساتنې برخه کې د ۳۲ نابشپړو پروژو بېرته پیل کړي.
د دې ادارې مسوولانو د لړم په دوه‌ویشتمه، د دوشنبې ورځ په یوه خبري غونډه کې وویل چې بهرني بنسټونه باید بشري مسایلو ته سیاسي رنګ ور نه کړي.

هلمند ته له پاکستانه د ستنېدونکو افغان کډوالو شمېر په زیاتېدو دی

د هلمند محلي مسوولان وايي چې له پاکستان څخه دغه ولایت ته د ستنېدونکو افغان کډوالو شمېر په زیاتېدو دی.

د دوی په وینا، د یاد ولایت بهرامچه ولسوالي چې ډیورنډ فرضي کرښې ته نږدې پرته ورځ تر بلې د راستنېدونکو کډوالو شمېر په لوړېدو دی. د تېرو ۲۶ ورځو پر مهال هغه کورنۍ چې په مستقیمه توګه هلمند ته راستنې شوي، شمېر یې ۳۴ کورنیو ته رسېږي.