د ملګروملتونو د بشري حقونو نړیوالې شورا له تېرې دوشنبې راهیسې نړۍ کې د بشري حقونو او د کورونا ویروس د وضعیت په اړه خپله پنځوسمه غونډه پیل کړې ده.
دغه غونډه کې چې ټاکل شوې څلور اوونۍ به دوام وکړي، نن او سبا په افغانستان کې د بشري حقونو د وضعیت په اړه به پهکې بحث وشي.
د سلاموطندار پښتو فېسبوکپاڼه وڅارئ
دې سره هممهاله د بشري حقونو د څار بنسټ د ښځو برخې مسووله هیدر بار افغانستان کې د بشري حقونو په ځانګړې توګه د ښځو وضعیت د اندېښنې وړ بللی او ټینګار یې کړی چې د افغان ښځو حقونه د نقض کېدو په حال کې دي.
نوموړې سلاموطندار سره د خبرو پرمهال په افغانستان کې د بشري حقونو د وضعیت بدلولو او پر اسلامي امارت د فشار راوړلو لپاره د عملي اقداماتو غوښتنه وکړه.
نوموړې وویل: «په دغه ناسته کې موږ غواړو چې د عملي پروګرامونو لپاره جدي ګامونه واخیستل شي. دا چې ا.ا پوه چې د بشريحقونو د نقض په صورت کې څه ډول پایلو سره مخ کېږي او څه ډول کولای شو یو هېواد ا.ا ته ووايي چې په ۲۰۲۲ کال د بشريحقونو نقض د منلو نه دی.»
په ورته مهال هیدربار زیاتوي، تر هغو چې اسلامي امارت افغانستان کې د بشري حقونو په ځانګړې توګه د ښځو د حقونو نقض څخه لاس وانهخلي، په رسمیت به ونهپېژندل شي او کومې هیلې چې نړیوالې ټولنې څخه یې لري، پوره به نه شي.
دې سره اسلامي امارت افغانستان کې د بشري حقونو نقض په اړه اندېښنې بېځایه بولي. د اسلامي امارت د ویاند مرستیال انعامالله سمنګاني سلاموطندار ته ویلي چې ا.ا ټولو شرعي او بشريحقونو ته درناوی لري او د ملګروملتونو د بشريحقونو شورا څخه غواړي چې د واقعیتونو پربنسټ، پرېکړه وکړي.
د اسلامي امارت بیا واکمنېدو څځه شاوخوا لس میاشتې کېږي او نړیوالو او کورنیو بنسټونو په دغه موده کې تل د بشري حقونو په ځانګړې توګه د ښځو وضعیت څخه اندېښنې څرګندې کړې دي.
سلاموطندار پر ټویټر هم وڅارئ
له شپږم ټولګي پورته د نجونو زدهکوونکو پر مخ د ښوونځيو تړلي پاتې کېدل، افغانستان کې د بشري حقونو د نقض مهم مورد دی چې په کور دننه او بهر سختو نیوکو سره مخ شوی دی.
