سلاموطندار ته ځینو سرچینو منلې چې طالبانو له پرون راهیسې د هرات، بادغیس، غور، هلمند او کندهار مرکزونه نیولي دي. دولتي چارواکو تر اوسه د دغو ښارونو د نیولو په اړه څه نه دي ویلي.
د سرچینو په وینا، د دغو ښارونو له ډلې ډېری یې له جګړې پرته طالبانو ته خوشې شوي یا هم په لاس ورکړل شوي دي.
د سلاموطندار پښتو فېسبوکپاڼه وڅارئ
طالبانو هم ویلي چې د زمري میاشتې له پنځلسمې نېټې راهیسې یې د هېواد د پنځلس ولایتونو مرکزونه نیولي دي.
زرنج، لښکرګاه، هرات، فراه، قلعه نو، فېروزکوه، کندهار، غزني، فیضاباد، تالقان، کندوز، پلخمري، ایبک، سرپل او شبرغان هغه ښارونه دي چې تر اوسه د طالبانو لاس ته ورغلي دي.
هرات، کندهار او لښکرګاه د هېواد مهم او سټراټېژیک ولایتونه دي. هرات له ایران او ترکمنستان او کندهار او لښکرګاه هم له پاکستان سره نښتي دي.
