د ننګرهار محلي مسوولان وايي، د دغه ولایت د شينوارو ولسوالي اړوند مارکوه بازار ته څېرمه سیمې کې د ټرافیکي پېښې له امله دوه کسان مړه شوي او درې نور ټپیان دي.
د مسوولانو په وینا، د پېښې قربانیان د الټو ډوله موټر سپاره ده چې یو سړی او د هغه مېرمن ده.
پېښه د الټو او فرونر ډوله موټرو د ټکر له امله رامنځته شوې چې له امله یې یو خاوند او مېرمن مړه شوي او درې نور ټپیان دي.
د سلاموطندار پښتو فېسبوکپاڼه وڅارئ
دوى زياتوي، ټپيان د درملنې په موخه د جلال اباد ښار حوزوي روغتون ته لېږدول شوي دي
د پېښې د څرنګوالي په اړه تراوسه څه نه دي ویل شوي خو دا ډول پېښې تر ډېره د موټر چلوونکو د بېغوری او ګړنديتګ له امله رامنځته کېږي.
