طالبانو په بادغیس کې تر خپلې ولکې لاندې سیمو کې د ښوونځي پر «هېوادپالنې او د ژوند مهارتونه» مضمونونو پر تدریس بندیز لګولی دی. د بادغیس والي حسامالدین شمس وایي چې وسلهوالو طالبانو په دغه ولایت کې تر خپلې ولکې لاندې سیمو کې له زدهکړییز نصاب څخه د «وطنپالنې او د ژوند مهارتونه» مضمونونه لرې کړي او ښوونکو ته اجازه نه ورکوي چې دغه مضمونونه په ښوونځيو کې تدریس کړي.
د بادغیس والي زیاتوي، د پوهنې وزارت له زدهکړییز نصاب پربنسټ، د وطنپالنې مضمون د ښوونې له فرعي مضمونونو څخه دی. نوموړی د طالبانو پر دغې پرېکړې نیوکه کوي او له پوهنې وزارت څخه غواړي چې د وطنپالنې مضمون د ښوونځي په مهمو او اساسي مضمونونو کې ورشامل کړي.
د سلاموطندار پښتو فېسبوکپاڼه وڅارئ
حسامالدین شمس همداراز د پوهنې وزارت ته وړاندېز کوي چې له فرهنګیانو سره له مشورې وروسته دې د وطنپالنې مضمون منځپالنګه زیاته کړي، څو په ښوونځي کې د ماشومانو په زړونو کې د وطنپالنې او له وطن سره مینه ډېره شي.
د بادغیس وایي، په ایران او پاکستان هېوادونو په ښوونځیو کې د وطنپالنې مضمون په اساسي توګه تدریس کېږي چې له همدې کبله د دغه هېوادونو ښوونځي، روغتونونه او سړکونه نه وېجاړیږي.
په ورته مهال د بادغیس والي وسلهوالو طالبانو ته په خطاب کې وویل، که چېرته طالبانو ته د مذهبي «تندروۍ» کتابونو په څنګ کې چې د پاکستان د استخباراتي ادارې له لوري د روزل شویو ملایان له لخو تدریس کېږي، د وطنپالنې مضمونونه هم تدریس کېدای، نو په ۲۰۱۹ کال کې به د یو میلیارډ ډالرو په ارزښت د هېواد بنسټونو ته د دغې ډلې له لوري زیان نه اوښتی.
په همدې حال کې د ۲۰۷ظفر قول اردو قومندان خیالنبي احمدزي چې هرات ولایت کې یې د سولې له پروسې سره د ۱۳۰ طالب جنګیالیو د یوځای کېدو په مراسمو کې خبرې کولې وویل، طالبانو د سړکونو، روغتونونو او ښوونځیو په وېجاړولو او ملکیانو په نښه کولو سره دا ثباته کړه چې افغانان نه دي.
په ورته وخت کې د لوېدیځو ولایتونو اوسېدونکیو د طالبانو پر دې پرېکړې نیوکه کوي او وایي چې دغه ډله د ایران او پاکستان د استخباراتي ډلو په امر د افغانستان د وېجاړۍ په هڅه کې دي.
خو وسلهوالو طالبانو تراوسه په دې اړه رسنیو ته څه نه دي ویلي.
